രാജീവ് ഗാന്ധി വധക്കേസ് പ്രതി പേരറിവാളനെ മോചിപ്പിക്കണമെന്ന് വിജയ് സേതുപതി

രാജീവ് ഗാന്ധി വധക്കേസ് പ്രതിയായ പേരറിവാളനെ വെറുതെ വിടണമെന്ന് നടന്‍ വിജയ് സേതുപതി. വിഷയത്തിലൊരു തീരുമാനം എടുക്കണമെന്ന് ആവശ്യപ്പെട്ടു കൊണ്ട് വിജയ് സേതുപതി ഗവര്‍ണര്‍ക്ക് കത്ത് അയച്ചു. ഗവര്‍ണര്‍ക്ക് അന്തിമ തീരുമാനം എഠുക്കാമെന്നും അന്വേഷണ ഏജന്‍സിയുടെ അന്തിമ റിപ്പോര്‍ട്ടിനായി കാത്തിരിക്കേണ്ടതില്ലെന്നും സുപ്രീം കോടതി കഴിഞ്ഞ ദിവസം അറിയിച്ചിരുന്നു. അതും സേതുപതി കത്തില്‍ ചൂണ്ടിക്കാണിക്കുന്നു.

Also Read: ബാലകൃഷ്ണ ഗാരു ദേഷ്യപ്പെട്ടതല്ല, കെെ തട്ടിമാറ്റിയതിന് പിന്നില്‍ മറ്റൊരു കാരണമുണ്ട്; വിശദീകരണവുമായി യുവനടന്‍

സുപ്രീം കോടതി വിധി മാനിക്കണം. പേരറിവാളനെ വെറുതെ വിടണമെന്ന് അഭ്യര്‍ത്ഥിക്കുന്നു. അര്‍പ്പുതമ്മാളിന്റെ 29 വര്‍ഷത്തെ പോരാട്ടം അവസാനിപ്പിക്കുന്നതിന് വേണ്ടി കുറ്റം ചെയ്യാത്ത പേരറിവാളനെ വെറുതെ വിടണമെന്ന് സേതുപതി പറയുന്നു. ഫെയ്സ്ബുക്കില്‍ പങ്കുവച്ച വീഡിയോയിലാണ് സേതുപതി ഇത് ആവശ്യപ്പെടുന്നത്.

Also Read: പഞ്ചാരമുത്തങ്ങൾക്കിടെ സ്നേഹച്ചിരിയുമായി ടൊവിനോ; വൈറലായി പുതിയ ചിത്രം!

കേസുമായി നേരിട്ട് ബന്ധമില്ലാതിരുന്നിട്ടും വര്‍ഷങ്ങളായി ജയിലില്‍ കഴിയുകയാണ് പേരറിവാളന്‍. അദ്ദേഹത്തെ വിട്ടയക്കണമെന്ന് സേതുപതിയെ കൂടാതെ ഭാരതിരാജ, വെട്രിമാരന്‍, അമീന്‍, പാ രഞ്ജിത്ത്, മിഷ്കിന്‍ തുടങ്ങിയ സംവിധായകരും സത്യരാജ്, പ്രകാശ് രാജ് എന്നീ നടന്മാരും ആവശ്യപ്പെട്ടു.പത്തൊമ്പതാം വയസിലാണ് രാജീവ് ഗാന്ധി വധിക്കേസില്‍ പേരറിവാളന്‍ അറസ്റ്റിലാകുന്നത്. കോടതി വധ ശിക്ഷ വിധിച്ചുവെങ്കിലും പിന്നീടത് ജീവപര്യന്തമായി ഇളവ് ചെയ്തു.