നീരജ് മാധവ് പറഞ്ഞത് സത്യം, ഞാനതിന്റെ സാക്ഷിയും ഇരയും; വെളിപ്പെടുത്തലുമായി വിഷ്ണു പ്രസാദ്

അമ്മ സംഘടന എനിക്ക് അംഗത്വം നിഷേധിച്ചുവെന്ന് വിഷ്ണു പ്രസാദ് പറയുന്നു. എന്തുകൊണ്ടെന്നും അദ്ദേഹം ചോദിക്കുന്നു. വര്‍ഷങ്ങള്‍ക്ക് മുമ്പ് നടന്ന കാര്യമാണ്. എന്നാലും മനസ് തുറക്കാമെന്ന് വിചാരിച്ചുവെന്ന് അദ്ദേഹം ഫെയ്സ്ബുക്ക് പോസ്റ്റില്‍ പറയുന്നു.

തന്റെ ആദ്യ ചിത്രം തമിഴിലായിരുന്നു. വിനയന്‍ സംവിധാനം ചെയ്ത കാശിയായിരുന്നു അത്. പിന്നീട് ഫാസില്‍ സാറിന്റെ കെെ എത്തും ദൂരത്ത്. ജോഷിയുടെ റണ്‍വെ, മാമ്പഴക്കാലം, ലയണ്‍, ബെന്‍ ജോണ്‍സന്‍, ലോകനാഥന്‍ ഐഎഎസ്, പതാക, മാറാത്ത നാട്, വിഷ്ണു പറയുന്നു.

ഈയ്യടുത്ത് സഹപ്രവര്‍ത്തകനായ നീരജ് മാധവ് പറഞ്ഞ സ്വജനപക്ഷപാതവും അധികാശ്രേണിയും മലയാള സിനിമയില്‍ ഉള്ളതാണ്. താനതിന്റെ സാക്ഷിയും ഇരയുമാണെന്നും വിഷ്ണു പ്രസാദ് പറയുന്നു. കൂടുതല്‍ വിവരങ്ങള്‍ പിന്നീട് പറയാമെന്നും അദ്ദേഹം വ്യക്തമാക്കുന്നു.