ആര്യയുടെ ജാൻ
ജാനെക്കുറിച്ച് എപ്പോഴും സംസാരിക്കാറുണ്ടായിരുന്നു. ഞാന്‍ നൂറുശതമാനവും സമര്‍പ്പിച്ചിരുന്നു. അതേപോലെയാണ് അദ്ദേഹം എന്നും ഞാന്‍ കരുതി.അങ്ങനെയൊരു വിശ്വാസമുണ്ടായിരുന്നതിനാലാണ് ഞാന്‍ ബിഗ് ബോസില്‍ അദ്ദേഹത്തെക്കുറിച്ച് സംസാരിച്ചത്. ബിഗ് ബോസിലേക്ക് പോവുമ്പോള്‍ എന്നെ എയര്‍പോര്‍ട്ടില്‍ കൊണ്ടുവിട്ടത് ആളാണ്. നമ്മുടെ റിലേഷനെക്കുറിച്ച് ഷോയില്‍ നീ സംസാരിക്കുമോയെന്ന് ചോദിച്ചിരുന്നു. എനിക്കങ്ങനെയൊരു പ്ലാനില്ല, ഏതെങ്കിലും ടാസ്‌ക്കോ അങ്ങനെയെന്തെങ്കിലും വന്നാല്‍ സംസാരിച്ചേക്കുമെന്നായിരുന്നു ഞാന്‍ പറഞ്ഞത്.
പേര് പറയരുത്
സംസാരിക്കുന്നതിന് മുന്‍പ് ആലോചിക്കണം. ചാടിക്കയറി സംസാരിച്ച് വഷളാക്കരുത്. എന്റെ പേര് പറയരുതെന്നും ആള്‍ എന്നോട് പറഞ്ഞിട്ടുണ്ടായിരുന്നു. അതെനിക്ക് വിചിത്രമായി തോന്നിയ കാര്യമായിരുന്നു. അതെന്താണ് ആള്‍ അങ്ങനെ പറഞ്ഞതെന്നായിരുന്നു ഞാന്‍ ആലോചിച്ചത്. ബിഗ് ബോസില്‍ നിന്നും വിളിച്ചാല്‍ പോവണം, അത് നല്ല അവസരമാണ് എന്ന് പറഞ്ഞ് എന്നെ പുഷ് ചെയ്തത് ആളാണ്. എന്നെ വിടുന്നതിന് മുന്‍പ് ആളെന്താണ് ഇങ്ങനെ പറഞ്ഞതെന്ന് എനിക്ക് മനസിലായിരുന്നില്ല. പുറത്തിറങ്ങിയപ്പോഴാണ് അതിന്റെ കാരണം എനിക്ക് മനസിലായത്.
പറഞ്ഞിരുന്നില്ല
ഞാനുമായുള്ള ബന്ധം അവസാനിപ്പിക്കാനുള്ള പ്ലാനിലായിരുന്നു അദ്ദേഹം. ആ സമയത്ത് ആള്‍ അതേക്കുറിച്ച് എന്നോട് പറഞ്ഞിരുന്നില്ല. എന്നെ വിട്ട് പോവാനുള്ള പ്ലാനിലായിരുന്നു അത്. ആര്യ അഭിമുഖീകരിക്കുന്ന അവസ്ഥയെക്കുറിച്ച് എനിക്കറിയാമായിരുന്നുവെന്നായിരുന്നു ഫറ ഷിബ്ല പറഞ്ഞത്. ഭര്‍ത്താവ് ബിഗ് ബോസ് ടെക്‌നിക്കല്‍ ടീമിലായിരുന്നതിനാല്‍ ആര്യയെ അറിയാമായിരുന്നു. ഞാന്‍ മുഴുവന്‍ സമയവും ഞങ്ങളെക്കുറിച്ചായിരുന്നു സംസാരിച്ചിരുന്നത്. ഞങ്ങളുടെ പ്ലാനുകളെക്കുറിച്ച്. അതെല്ലാം അവരും കേള്‍ക്കുന്നതാണല്ലോ.
വിശ്വസിച്ചില്ല
ആളുകളെ പെട്ടെന്ന് തന്നെ മനസിലാക്കുന്നയാളാണ് ആര്യ. ആരേയും ജഡ്ജ് ചെയ്യാറില്ല. അങ്ങനെയുള്ളയാളാണ് ആര്യ. ആര്യയ്‌ക്കെങ്ങനെയാണ് ഇങ്ങനെയൊരു കാര്യം സംഭവിച്ചതെന്ന് ഞാന്‍ ചിന്തിച്ചിരുന്നു. പലരും എനിക്ക് മുന്നറിയിപ്പ് തന്നിരുന്നു. എനിക്കറിയുന്നവരും അറിയാത്തവരുമൊക്കെയുണ്ടായിരുന്നു. അദ്ദേഹത്തെ അങ്ങനെ വിശ്വസിക്കരുത്, ഇങ്ങനെയൊരു കാര്യമുണ്ടെന്നൊക്കെ പറഞ്ഞിട്ടും ഞാന്‍ വിശ്വസിച്ചില്ല. ലവ് ഈസ് ബ്ലൈന്‍ഡ് എന്ന് പറയുന്ന പോലെയായിപ്പോയി ഞാന്‍.
ആരാണെന്ന് പറയാതിരുന്നത്
പ്രണയത്തിലായിരുന്ന സമയത്ത് ഒരുപാട് നല്ല കാര്യങ്ങള്‍ അയാള്‍ ചെയ്തിട്ടുണ്ട്. കാഞ്ചീവരമൊക്കെ തുടങ്ങാനുള്ള കാരണം ആളാണ്, അതാണ് ഞാന്‍ ആളുടെ പേര് വെളിപ്പെടുത്താത്തത്. അദ്ദേഹത്തിന് ഞാനൊരു ഫേവര്‍ കൊടുക്കുകയാണ്. ആ സമയത്ത് വേറെ ആള്‍ക്കാരൊന്നും എന്റെ പ്രയോറിറ്റിയില്‍ ഇല്ലായിരുന്നുവെന്നും ആര്യ പറഞ്ഞിരുന്നു.