പണം തട്ടിയെടുക്കൽ, മാനസിക പീഡനം; അമല പോളിന്‍റെ പരാതിയിൽ മുൻ കാമുകൻ അറസ്റ്റിൽ

തന്നെ മാനസികമായി പീഡിപ്പിക്കാനും തന്നിൽ നിന്നും പണം തട്ടിയെടുക്കാനും ശ്രമിച്ചെന്ന നടി അമല പോളിന്‍റെ പരാതിയിൽ മുൻ കാമുകനും ഗായകനുമായ ഭവ്നിന്ദർ സിംഗ് അറസ്റ്റിലായി. വില്ലുപുരം ജില്ലാ ക്രൈം ബ്രാഞ്ച് പൊലീസിന് മുമ്പാകെയാണ് അമല പരാതി നൽകിയിരുന്നത്. തന്നെ ഭീഷണിപ്പെടുത്തിയെന്നും പണം തട്ടിയെടുക്കാൻ ശ്രമിച്ചെന്നും സാമ്പത്തികമായും മാനസികമായും പ്രശ്നങ്ങള്‍ സൃഷ്ടിച്ചുവെന്നും നടി പരാതിയിൽ പറഞ്ഞിട്ടുണ്ട്.

2020 നവംബറിലാണ് ഭവ്നിന്ദറിനെതിരെ നടി ചെന്നൈ ഹൈക്കോടതിയിൽ മാനനഷ്ട കേസ് ഫയൽ ചെയ്തത്. 2018-ല്‍ തങ്ങള്‍ സ്വകാര്യമായി നടത്തിയ ഒരു ഫോട്ടോഷൂട്ടിന്‍റെ ചിത്രങ്ങള്‍ വിവാഹം കഴിഞ്ഞെന്ന രീതിയില്‍ തെറ്റായി പലയിടത്തും പ്രചരിപ്പിച്ചെന്നും മാനസിമായി തന്നെ പീഡിപ്പിച്ചെന്നും അമല പരാതിയിൽ വ്യക്തമാക്കിയിരുന്നു.

ALso Read: ആ ശരീരം എന്‍റേതല്ല! ട്രാന്‍സ്‌ഫോബിയയുടെ മുഖത്തടിക്കുന്ന 'ബൈനറി എറർ'; സണ്ണി വെയ്നും ട്രാന്‍സ്മാന്‍ ആദം ഹാരിയും ഒന്നിച്ച ഹ്രസ്വ ചിത്രം ശ്രദ്ധേയമാകുന്നു

2018-ൽ അമലയും ഭവ്നിന്ദറും ചേർന്ന് ഒരു പ്രൊഡക്ഷൻ കമ്പനി തുടങ്ങിയിരുന്നു. ഓറോവില്ലിനടുത്തുള്ള പെരിയമുതലിയാർ ചാവടിയിലേക്ക് ഈ സമയം ഇവർ താമസം മാറി. കുറച്ചുകാലങ്ങൾ ഒരുമിച്ച് കഴിഞ്ഞ ഇവർ പിന്നീട് പിരിയുകയായിരുന്നു. ഈ നിർമാണ കമ്പനിയുടെ ബാനറിലാണ് നടി അടുത്തിടെ താൻ നായികയായ 'കഡാവർ' നിർമിച്ചത്.

കൂടാതെ അമല പോളിനെ കമ്പനിയുടെ ഡയറക്‌ടർ സ്ഥാനത്തുനിന്നും നീക്കാനായി വ്യാജരേഖ ചമച്ച് ഭവ്നിന്ദർ വഞ്ചിച്ചതായും പോലീസ് മാധ്യമങ്ങളെ അറിയിച്ചിട്ടുണ്ട്. ഇവ്യാജരേഖ ചമയ്ക്കൽ, ഭീഷണിപ്പെടുത്തൽ, ഉപദ്രവിക്കൽ തുടങ്ങി വിവിധ വകുപ്പുകൾ പ്രകാരമാണ് മുൻകാമുകനെതിരെ പോലീസ് കേസെടുത്തിരിക്കുന്നത്. 2020 മാർച്ചിലാണ് പരമ്പരാഗത രാജസ്ഥാനി വധൂവരന്മാരുടെ വേഷത്തിലുള്ള ചിത്രം ഭവ്നിന്ദർ സോഷ്യൽ മീഡിയയിൽ പങ്കുവെച്ചത്. ഇവർ ഫോട്ടോഷൂട്ടിനായി എടുത്ത ചിത്രങ്ങളാണെന്ന് വ്യക്തമാക്കി അമല രംഗത്തെത്തിയതിനാൽ പിന്നീട് ഭവ്നിന്ദര്‍ അവ സോഷ്യൽമീഡിയയിൽ നിന്ന് നീക്കം ചെയ്തിരുന്നു. 2014-ൽ അമല പോൾ സംവിധായകൻ എ.എൽ വിജയ്‍യെ വിവാഹം ചെയ്തിരുന്നു. 2017-ൽ ഇവർ വിവാഹമോചനം നേടിയിരുന്നു.

Also Watch :