നടി അനന്യയുടെ സഹോദരനും നടനുമായ അർജുനും മാധവിയും വിവാഹിതരായി; ആശംസകളുമായി താരങ്ങളും ആരാധകരും

ഒട്ടനവധി സിനിമകളിലൂടെ മലയാളികളുടെ പ്രിയപ്പെട്ട നടിയായ അനന്യയുടെ സഹോദരനും നടനുമായ അർജുൻ ഗോപാൽ വിവാഹിതനായി. മാധവി ബാലഗോപാൽ ആണ് അര്‍ജുന്‍റെ വധു. ഗുരുവായൂരിൽ വെച്ചായിരുന്നു ഇവരുടെ വിവാഹം നടന്നത്. ആസിഫ് അലി നായകനായെത്തിയ 'കുഞ്ഞെൽദോ' എന്ന സിനിമയിലൂടെ ശ്രദ്ധേയനായ നടനാണ് അർജുൻ.

Also Read: ഞങ്ങളിന്ന് വരെ വഴക്കിട്ടിട്ടില്ല! അത് സത്യമാണ്! കേൾക്കുന്നവർ വിശ്വസിക്കുമോയെന്നറിയില്ല! സൂര്യ പെർഫെക്ട് ഹസ്ബൻഡും അച്ഛനുമാണ്! വീണ്ടും വൈറലായി ജ്യോതികയുടെ വാക്കുകൾ

സാറാസ്, വൂൾഫ്, ഒരു റൊണാൾഡോ ചിത്രം, കുട്ടൻപിള്ളയുടെ ശിവരാത്രി, തങ്കഭസ്മകുറിയിട്ട തമ്പുരാട്ടി തുടങ്ങിയ ചിത്രങ്ങളിലും അര്‍ജുൻ അഭിനയിച്ചിട്ടുണ്ട്. 'പോസിറ്റീവ്’ എന്ന മലയാളം സിനിമയിലൂടെയായിരുന്നു അനന്യയുടെ സിനിമാ അരങ്ങേറ്റം. പിന്നീട് തമിഴ്, തെലുങ്ക്, കന്നഡ ഭാഷാ ചിത്രങ്ങളിൽ സജീവമായിരുന്നു. 2018ൽ പുറത്തിറങ്ങിയ ‘കുട്ടനാടൻ ബ്ലോഗി’ൽ അഭിനയിച്ച ശേഷം ഒരു ബ്രേക്ക് എടുത്തിരുന്നു.
ശേഷം മൂന്നുവർഷത്തെ ഇടവേളയ്ക്ക് ശേഷം ‘ഭ്രമം’ എന്ന ചിത്രത്തിൽ ഉണ്ണിമുകുന്ദന്‍റെ ഭാര്യയുടെ വേഷത്തിലെത്തി ശ്രദ്ധ നേടി. എറണാകുളം ജില്ലയിലെ പെരുമ്പാവൂര്‍ സ്വദേശികളാണ് അനന്യയുടെ കുടുംബം. അമ്പെയ്ത്തിൽ സംസ്ഥാന, ദേശീയ തലത്തിൽ രണ്ടു തവണ (2006, 2007) ചാമ്പ്യൻഷിപ്പ് നേടിയിട്ടുള്ളയാളുമാണ് അനന്യ.

Also Watch :