വിചാരിക്കാത്ത കാര്യങ്ങള്‍ക്ക് പഴി
മാതൃഭൂമി സ്റ്റാര്‍ ആന്റ് സ്റ്റെെലിന് നല്‍കിയ അഭിമുഖത്തിലായിരുന്നു അനശ്വര മനസ് തുറന്നത്. സിനിമ നടിയായതിന് ശേഷം വിചാരിക്കാത്ത കാര്യങ്ങള്‍ക്ക് പഴി കേള്‍ക്കേണ്ടി വന്നിട്ടുണ്ടെന്ന് അനശ്വര പറയുന്നു. അങ്ങനെ ഒരിക്കല്‍ ഉണ്ടായ അനുഭവമാണ് താരം തുറന്നു പറയുന്നത്.
മകള്‍ക്ക് ജാഡയാണല്ലേ
അതുകൊണ്ട് വിവാഹച്ചടങ്ങുകളും മറ്റും ഭൂരിഭാഗവും ഒഴിവാക്കുകയാണ് പതിവ്. അത്തരം ഇടങ്ങളില്‍ പോയി വന്നു കഴിഞ്ഞാല്‍ അച്ഛനും അമ്മയ്ക്കും പിന്നാലെ കോളുകള്‍ വരും. മകള്‍ക്ക് ജാഡയാണല്ലേ ഞങ്ങളോട് സംസാരിച്ചില്ലെന്നൊക്കെ പറയുമെന്നും അനശ്വര പറയുന്നു.
ഫോട്ടോ എടുക്കാന്‍ വിളിച്ചപ്പോള്‍ പോയില്ല
ഉദാഹരണം സുജാത ഇറങ്ങിയതിന് ശേഷമുണ്ടായ അനുഭവമാണ് താരം പങ്കുവച്ചത്. അച്ഛന്റെ അടുത്ത ബന്ധുവിന്റെ വീട്ടില്‍ വിവാഹത്തിന് പോയിരുന്നു. സാധാരണയായി വിവാഹ ഫോട്ടോകളില്‍ നില്‍ക്കാറില്ല. വരന്റെ ഒപ്പം ഫോട്ടോ എടുക്കാന്‍ എല്ലാവരേയും വിളിച്ചപ്പോള്‍ പോയില്ല. പിറ്റേദിവസം സുഹൃത്ത് ഒരു ഫെയ്സ്ബുക്ക് പോസ്റ്റ് അയച്ചു തന്നു. ആ കല്യാണത്തിന്റെ ഫോട്ടോഗ്രാഫറുടേത്.
പത്ത് സിനിമയില്‍ അഭിനയിച്ച അഹങ്കാരം
ആ പോസ്റ്റില്‍ പറഞ്ഞിരുന്നത് അനശ്വര ഓര്‍ക്കുന്നു. കഴിഞ്ഞ ദിവസം ഒരു വിവാഹത്തിന്റെ ഫോട്ടോയെടുക്കാന്‍ പോയപ്പോള്‍ അടുത്തിടെ ഇറങ്ങിയ ഒരു സിനിമയില്‍ അഭിനയിച്ച കുട്ടിയെ കണ്ടു. പത്ത് സിനിമയില്‍ അഭിനയിച്ച അഹങ്കാരഭാവത്തോടെ മുഖം വക്രിച്ച് ക്യാമറയ്ക്ക് മുന്നില്‍ നിന്നും തിരിഞ്ഞു നടന്നു എന്നായിരുന്നു അതില്‍ എഴുതിയിരുന്നത്.
അഹങ്കാരം കുത്തിവച്ചത്
കുട്ടിയുടെ മനസില്‍ അഹങ്കാരം കുത്തിവച്ചത് സ്വപ്ന ലോകത്ത് നില്‍ക്കുന്ന മാതാപിതാക്കളാണെന്നും അതില്‍ എഴുതിയിരുന്നതായി അനശ്വര പറയുന്നു. അത് തനിക്കും കുടുംബത്തിനും വലിയ വിഷമമുണ്ടാക്കിയെന്ന് അനശ്വര പറയുന്നു.
ഫോട്ടോ അനശ്വര രാജന്‍ ഇന്‍സ്റ്റഗ്രാം