കുംഭകോണം കാപ്പി ഇഷ്ടം; യാത്രയ്ക്കിടയിലെ വിശേഷങ്ങളുമായി ശോഭന

ഏറെ നാൾ സിനിമാ ലോകത്തു നിന്നും വിട്ടു നിന്ന ശേഷം തെന്നിന്ത്യയുടെ പ്രിയ നടി ശോഭന ഈ വര്‍ഷമാണ് വരനെ ആവശ്യമുണ്ട് എന്ന സിനിമയിലൂടെ സിനിമയിലേക്ക് തിരിച്ചെത്തിയത്. ഏറെ നാളുകള്‍ക്ക് ശേഷം അഭിനയത്തിലേക്കെത്തിയ താരത്തെ പ്രേക്ഷകര്‍ ഇരു കൈയ്യും നീട്ടി സ്വീകരിക്കുകയുണ്ടായി. അഭിനയത്തിൽ സജീവമായിരുന്നില്ലെങ്കിലും നൃത്ത ലോകത്ത് ലോകമറിയുന്ന കലാകാരിയായിട്ടുണ്ട് ശോഭന.

Also Read: 'ഇതളൂർന്നു വീണ പനിനീർ ദളങ്ങൾ തിരികെ ചേരും പോലെ...'; ബ്ലെസ്സി-മോഹൻലാൽ കൂട്ടുകെട്ടിൻ്റെ തന്മാത്രയ്ക്ക് ഒന്നര പതിറ്റാണ്ട്!

സോഷ്യല്‍ മീഡിയയില്‍ നൃത്തവുമായി ബന്ധപ്പെട്ട കാര്യങ്ങളാണ് ശോഭന പങ്കുവയ്കാറുള്ളത്. ഇപ്പോഴിതാ പുതിയൊരു ചിത്രവുമായി എത്തിയിരിക്കുകയാണവര്‍. ഒരു യാത്രയ്ക്കിടയിൽ നിന്നുള്ള ചിത്രമാണ് ഇൻസ്റ്റഗ്രാമിൽ ശോഭന പങ്കുവെച്ചിരിക്കുന്നത്. ‘സുപ്രഭാതം. യാത്രകളില്‍ എന്നും കൂട്ടായുള്ള കുംഭകോണം കാപ്പി… ചിക്കരിയും നല്ല ചൂടും സമം ചേര്‍ത്ത്… ഹാപ്പി മിഡ് വീക്ക്‌’ എന്നാണ് ചിത്രത്തോടൊപ്പം ശോഭന കുറിച്ചിരിക്കുന്നത്.

Also Read: 'അന്നേ മുറുകെ പിടിക്കുന്നവനാണ് നീ'; കണ്ണന് പിറന്നാളാശംസ നേർന്ന് ചക്കി!

തെന്നിന്ത്യയിലെ തന്നെ ഏറെ പ്രചാരമുള്ള ഫില്‍ട്ടര്‍ കാപ്പിയായി അറിയപ്പെടുന്ന ഒന്നാണ് കുംഭകോണം ഡിഗ്രി കാപ്പി. പിച്ചള ഗ്ലാസിൽ ലഭിക്കുന്ന ഈ കാപ്പി കാപ്പി പ്രിയരുടെ പ്രിയപ്പെട്ടതാണ്. കുംഭകോണം എന്ന സ്ഥലത്ത് നിന്ന് ലോകം മുഴുവനും പ്രചാരത്തിലായ കാപ്പിയാണിത്. ശോഭന പങ്കുവെച്ചിരിക്കുന്ന ചിത്രത്തിന് താഴെ കമന്‍റുമായി നിരവധി ആരാധകരെത്തിയിട്ടുണ്ട്.

Also Watch :