2010 മുതൽ സിനിമയിൽ
2010ൽ സിനിമാരംഗത്തെത്തിയ താരം പത്ത് വർഷത്തിനിടെ മുപ്പതോളം സിനിമകളിൽ അഭിനയിച്ചുകഴിഞ്ഞു. 2013ൽ പുറത്തിറങ്ങിയ വെടിവഴിപാട് എന്ന സിനിമയിലെ സുമിത്ര എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു.
ഒരു നാൾ ഇരവിൽ...
2015ൽ ഒരു നാൾ ഇരവിൽ എന്ന തമിഴ് പടത്തിൽ വ്യഭിചാരിണി കഥാപാത്രമായി താരം എത്തിയിരുന്നു. മലയാളത്തിൽ ഏറെ നിരൂപക പ്രശംസ നേടിയ സിനിമയായ ഷട്ടറിന്റെ തമിഴ് റീമേക്ക് ആയിരുന്നു ഈ ചിത്രം
തമിഴിൽ നല്ല റോളുകൾ വന്നില്ല...
എന്നാല് അതിന് ശേഷം വ്യഭിചാരിണിയുടെ റോളുകളല്ലാതെ മറ്റ് നല്ല റോളുകളൊന്നും തന്നെ തേടിയെത്തിയിട്ടില്ലെന്ന് താരം ഇപ്പോൾ വെളിപ്പെടുത്തിയിരിക്കുകയാണ്. സൗത്ത് ലൈവ് ഓൺലൈനിന് നൽകിയ അഭിമുഖത്തിലാണ് താരം ഇത് പറഞ്ഞിരിക്കുന്നത്.
തമിഴിൽ ഒടുവിൽ 2015ൽ
തമിഴില് ഒരു അഞ്ച് സിനിമയോളം ചെയ്തു. 2015ലാണ് അവസാനമായി ചെയ്തതത്. പക്ഷേ പിന്നീട് നല്ല വേഷങ്ങളൊന്നും അവിടെ നിന്നും വന്നില്ല.
അങ്ങനെയുള്ള വേഷങ്ങളാണ് കൂടുതലും വന്നത്
ഒരു നാൾ ഇരവിൽ എന്ന സിനിമയിൽ ഒരു വ്യഭിചാരിണിയുടെ വേഷമാണ്. പിന്നെ അങ്ങനെയുള്ള വേഷങ്ങളാണ് കൂടുതലും അവിടെനിന്നും വന്നത്. അതിനാൽ പിന്നെ അവിടെ നിന്നും അധികം വിളിക്കാതെയായി എന്നുമാണ് താരം അഭിമുഖത്തിൽ പറഞ്ഞിരിക്കുന്നത്.
പാപം ചെയ്യാത്തവര് കല്ലെറിയട്ടെ...
വെടിവഴിപാടിന് ശേഷം ശംഭു പുരുഷോത്തമന് സംവിധാനം ചെയ്യുന്ന 'പാപം ചെയ്യാത്തവര് കല്ലെറിയട്ടെ' എന്ന സിനിമയിലാണ് അനുമോള് ഒടുവിലായി അഭിനയിച്ചിരിക്കുന്നത്.
ലിസിയായി അനുമോൾ...
ലിസി എന്ന കഥാപാത്രമായാണ് ചിത്രത്തിൽ താരം. പദ്മിനി, താമര, ഉടമ്പടി തുടങ്ങി നിരവധി സിനിമകളാണ് ഈ വർഷം താരത്തിന്റേതായി ഒരുങ്ങുന്നത്.