'സാരോപദേശ'വുമായെത്തിയവന് ചുട്ടമറുപടിയുമായി നടി അനുമോൾ

ഫേസ്ബുക്ക് ലൈവിനിടെ സാരോപദേശവുമായി എത്തിയ ആൾക്ക് ചുട്ട മറുപടി നൽകി നടി അനുമോൾ. തന്‍റെ പുതിയ ചിത്രമായ "നിലാവറിയാതെ' യുടെ പ്രമോഷൻ പരിപാടികളുടെ ഭാഗമായാണ് അനുമോൾ ലൈവുമായി ആരാധകരിലേക്കെത്തിയത്. അതിനിടെയാണ് അനു എന്തിനാണ് സിനിമയിൽ ‍അഭിനയിക്കുന്നതെന്നും അത് മോശം കാര്യമാണെന്നും അര്‍ഥമാക്കി ഒരാൾ കമന്‍റ് ചെയ്തത്.

എന്നാൽ, അഭിനയവും മറ്റേതൊരു ജോലിയേയും പോലെയാണെന്നും താൻ തന്‍റെ മേഖലയെയും ജോലിയെയും അത്രമേൽ സ്നേഹിക്കുന്നുവെന്നും മറുപടിയായി അനുമോൾ നൽകി. ഈ ജോലി മറ്റുള്ള ജോലികളേക്കാൾ ബുദ്ധിമുട്ടേറിയതാണെന്നും. രാപകൽ വ്യത്യാസമില്ലാതെ ജോലി ചെയ്യേണ്ടി വരുമെന്നും അനുമോൾ പറഞ്ഞു. അവരവർക്കിഷ്ടമുള്ള ജോലിയാണ് ഓരോരുത്തരും ചെയ്യേണ്ടതെന്നും അനുമോൾ മറുപടിയായി പറഞ്ഞു.




നടി ലൈവ് ചെയ്യുന്നതിനെയും രൂക്ഷമായി വിമർശിച്ചപ്പോൾ നിക്ക് ഇഷ്ടമുള്ളത് താൻ ചെയ്യുമെന്നാണ് അനു പ്രതികരിച്ചത്. സിനിമ കാണുകയും ഒപ്പം അതിൽ അഭിനയിക്കുന്നതിനെ വിമർശിക്കുകയും ചെയ്യും എന്ന നിലപാട് ശരിയല്ലെന്നും ലൈവ് ചെയ്യുന്നത് സ്വയം ഇഷ്ടമാണെന്നും ഇതൊന്നും ഇഷ്ടമല്ലെങ്കിൽ കാണേണ്ട എന്നുമാണ് അനു പറഞ്ഞത്.