'ഇതാണ് അനുശ്രീയുടെ കൊച്ചിയിലെ ഇടം'; പുതിയ ഫ്ലാറ്റ് പരിചയപ്പെടുത്തി നടി, വീഡിയോ

മലയാളത്തിലെ നടിമാരില്‍ മുന്‍നിരയില്‍ തന്നെ സ്ഥാനം നേടിയിട്ടുള്ള താരമാണ് അനുശ്രീ. ഈയ്യടുത്തായിരുന്നു അനുശ്രീ കൊച്ചില്‍ പുതിയ ഫ്ലാന്റ് സ്വന്തമാക്കിയത്. ഇപ്പോഴിതാ തന്റെ പുതിയ ഇടം ആരാധകര്‍ക്ക് പരിചയപ്പെടുത്തുകയാണ് അനുശ്രീ. ഇന്‍സ്റ്റഗ്രാമില്‍ പങ്കുവച്ച വീഡിയോയിലൂടെയാണ് അനുശ്രീ ഫ്ലാറ്റ് പരിചയപ്പെടുത്തിയത്. വീഡിയോ സോഷ്യല്‍ മീഡിയയില്‍ വെെറലായി മാറിയിരിക്കുകയാണ്.

Also Read: അനുശ്രീയുടെ 'തണുത്തുറഞ്ഞ പള്ളിനീരാട്ട്'; സ്വിമ്മിങ് പൂള്‍ ചിത്രങ്ങള്‍ പങ്കുവച്ച് നടി

പൊതുവെ തനിക്ക് ഫ്ലാറ്റ് ലൈഫ് അത്ര ഇഷ്ടമില്ലെങ്കിലും ജോലിയുടെ സൗകര്യാർത്ഥമാണ് കൊച്ചിയിൽ പുതിയ ഫ്ളാറ്റ് വാങ്ങാം എന്ന് തീരുമാനിച്ചതെന്ന് അനുശ്രീ പറയുന്നു. കാക്കനാട് ആണ് അനുശ്രീയുടെ പുതിയ ഫ്ളാറ്റ്. മലയാളികളുടെ പ്രിയപ്പെട്ട നടിമാരില്‍ ഒരാളാണ് അനുശ്രീ. ഡയമണ്ട് നെക്ലേസ് എന്ന ചിത്രത്തിലൂടെ ലാല്‍ ജോസ് സിനിമയിലേക്ക് കെെ പിടിച്ചു കൊണ്ടു വന്ന അനുശ്രീ ഇതിനോടകം മലയാളത്തിലെ മുന്‍നിര നായികമാരില്‍ ഒരാളായി മാറിയിട്ടുണ്ട്.

Also Read: 'അമ്മായമ്മയുടെ സാരി കക്കാൻ കൊള്ളാലോ' എന്ന് ആരാധകൻ! രസികൻ മറുപടിയുമായി സുപ്രിയ

സോഷ്യല്‍ മീഡിയയില്‍ വളരെ സജീവമായി ഇടപെടുന്ന താരവുമാണ് അനുശ്രീ. ഈ ലോക്ക്ഡൗണ്‍ കാലത്തും അനുശ്രീ സജീവമായിരുന്നു. താരം പങ്കുവച്ച മേക്കോവര്‍ ചിത്രങ്ങള്‍ സോഷ്യല്‍ മീഡിയയില്‍ വെെറലായി മാറിയിരുന്നു.ലോക്ക്ഡൗണ്‍ കാലത്ത് തന്റെ മേക്കോവറിലൂടെ അനുശ്രീ ആരാധകരെ ഞെട്ടിച്ചിരുന്നു. തന്റെ നാടന്‍ പെണ്‍കുട്ടി ഇമേജ് തകര്‍ക്കുകയായിരുന്നു മേക്കോവറിലൂടെ അനുശ്രീ. ഹെയര്‍ സ്റ്റെെല്‍ മാറ്റിയും മോഡേണ്‍ വസ്ത്രങ്ങള്‍ അണിഞ്ഞും ഗ്ലാമര്‍ ചിത്രങ്ങളുമായി അനുശ്രീ എത്തിയിരുന്നു. ചിത്രങ്ങള്‍ ആരാധകര്‍ ഏറ്റെടുത്തിരുന്നു.