അങ്ങനെയുള്ള മെസ്സേജുകള്‍ എനിക്കും വരുന്നുണ്ട്! ഇവരെങ്ങനെ എന്റെ അടുത്തെത്തി എന്നതിലൊരു കഥയുണ്ട്! എനിക്കവരെ ഉപേക്ഷിക്കാനാവില്ലെന്നും ആര്യ

സിനിമയിലും ചാനല്‍ പരിപാടികളിലുമൊക്കെയായി സജീവമാണ് ആര്യ. യൂട്യൂബ് ചാനലിലൂടെയായും ആര്യ വിശേഷങ്ങള്‍ പങ്കിടാറുണ്ട്. ആര്യയുടെ അടുത്ത സുഹൃത്തുക്കളിലൊരാളാണ് ഫറ ഷിബ്ല. ആര്യയ്‌ക്കൊപ്പമുള്ള വീഡിയോയുമായെത്തിയിരിക്കുകയാണ് ഫറ. പല കാര്യങ്ങളിലും എനിക്ക് ആര്യയോട് ബഹുമാനമുണ്ട്. അതേക്കുറിച്ച് ഞാനെപ്പോഴും പറയാറുള്ളതാണെന്നും ഫറ പറയുന്നു. ഇടയ്ക്കിടയ്ക്ക് ഞങ്ങള്‍ കാണാറുണ്ട്. സിംഗിള്‍ മദറാണ്, ഒരു ഓപ്പണ്‍ ബുക്കാണ്, റിലേഷന്‍ഷിപ്പിനെക്കുറിച്ചും ബ്രേക്കപ്പിനെക്കുറിച്ചും സൈബര്‍ ബുള്ളിയിംഗിനെക്കുറിച്ചുമൊക്കെ വളരെ സെന്‍സിബിളായി സംസാരിക്കുന്നൊരാള്‍ കൂടിയാണ്. വര്‍ഷങ്ങളായി അവളാണ് വീട്ടിലെ കാര്യങ്ങളെല്ലാം നോക്കുന്നത്.
ഖുഷിയെപ്പോലെ തന്നെ അവിടെ ആര്യയെ കാത്തിരിക്കുന്ന മൂന്ന് പേരുണ്ട്. ആര്യയുടെ ഡോഗ്‌സിനെക്കുറിച്ചായിരുന്നു ഫറ ആദ്യം സംസാരിച്ചത്. ആര്യയുടെ പിന്നാലെ തന്നെ നടക്കുന്നൊരാളുണ്ട്. അവിടെപ്പോയപ്പോഴാണ് ഞാന്‍ അവരെയെല്ലാം കണ്ടത്. നായകള്‍ക്ക് വേണ്ടി സംസാരിക്കുന്നവരെ പലരും കളിയാക്കുന്നുണ്ട്. നിങ്ങളുടെയൊക്കെ വീട്ടില്‍ കൂടിയ ഇനം പട്ടികളെയാണല്ലോ വളര്‍ത്തുന്നതെന്ന് പറഞ്ഞ്, അതാദ്യം നിര്‍ത്ത് എന്നിട്ട് നിങ്ങള്‍ തെരുവിലെ പട്ടികളെക്കുറിച്ച് സംസാരിക്കൂ എന്ന തരത്തിലുള്ള മെസ്സേജുകള്‍ എനിക്കും വരുന്നുണ്ട്. ഞാന്‍ മേടിച്ച പട്ടിയാണ്, എന്നാല്‍ അതിന് പിന്നിലൊരു കഥയുണ്ട്. അവര്‍ മൂന്നുപേരും എങ്ങനെ എന്നിലേക്കെത്തി എന്നത് നിങ്ങള്‍ക്കറിയില്ല. അവരെ എനിക്ക് വഴിയില്‍ ഉപേക്ഷിക്കാനാവില്ല. അതാണ് മൂന്നുപേരും എനിക്കൊപ്പമായത് എന്നുമായിരുന്നു ആര്യ പറഞ്ഞത്.
തെരുവ് പട്ടികളുടെ ആക്രമണം രൂക്ഷമായതോടെയായിരുന്നു അവയെ കൊല്ലണമെന്ന ആവശ്യം ശക്തമായത്. തെറ്റ് ചെയ്യുന്നവരുണ്ടെന്ന് കരുതി മനുഷ്യരെ മുഴുവന്‍ കൊല്ലാനാവുമോ, അതേ പോലെയല്ലേ നായകളുടെ കാര്യം. അവയ്ക്ക് സുരക്ഷിതമായൊരു താമസസൗകര്യം ഒരുക്കേണ്ടതല്ലേയെന്ന് പല താരങ്ങളും ചോദിച്ചിരുന്നു. താരങ്ങളുടെ പോസ്റ്റുകളെല്ലാം ക്ഷണനേരം കൊണ്ടായിരുന്നു ചര്‍ച്ചയായത്. അതിനിടയിലാണ് ആര്യയും തനിക്ക് പ്രിയപ്പെട്ടവരെക്കുറിച്ച് പറഞ്ഞത്.
Latest Malayalam Movie News