'ഒരു അച്ഛന്റെ കരുതലുകളുള്ള എന്റെ പ്രിയപ്പെട്ട സുരേഷേട്ടൻ'; ഹൃദയം തൊടുന്ന ആശംസകളുമായി ഭാമ!

സുരേഷ് ഗോപിയ്ക്ക് ഇന്ന് 61ാം പിറന്നാളാണ്. ഈ ആഘോഷവേളയിൽ തങ്ങളുടെ ഏറെ പ്രിയപ്പെട്ട സുരേഷേട്ടന് ആശംസകളുമായി എത്തിയിരിക്കുകയാണ് സിനിമാ താരങ്ങൾ. പ്രായഭേദമന്യേ ആരാധകരുള്ള സുരേഷ് ഗോപി പല താരങ്ങൾക്കും അച്ഛനും സഹോദരനുമൊക്കെയാണ്. ഇപ്പോഴിതാ ഹൃദയത്തിൽ നിന്നും ആശംസാവാക്കുകൾ കുറിച്ച് രംഗത്തെത്തിയിരിക്കുകയാണ് നടി ഭാമ. ഭാമയുടെ വിവാഹത്തിന് സുരേഷ് ഗോപി എത്തിയത് സകുടുംബമായിരുന്നു.

Also Read: 'കടുവാക്കുന്നേല്‍ കറുവാച്ചന്‍'; സുരേഷ് ഗോപിയുടെ പിറന്നാള്‍

ഈ ചിത്രം പങ്കുവെച്ചുകൊണ്ടാണ് ഭാമ തൻ്റെ പ്രിയപ്പെട്ട ഏട്ടന് ആശംസകൾ അറിയിച്ചിരിക്കുന്നത്. ചിത്രം പങ്കുവെച്ചുകൊണ്ട് ഭാമ കുറിച്ചിരിക്കുന്ന വാക്കുകൾ ഇങ്ങനെയാണ്. 'എന്നും എനിക്കൊപ്പം വല്യേട്ടന്റെ സ്നേഹത്തോടെ,ഒരു അച്ഛന്റെ കരുതലുകളോടെ നിക്കുന്ന എന്റെ പ്രിയപ്പെട്ട സുരേഷേട്ടന് എന്റെ വല്യേട്ടന് ഒരായിരം സ്നേഹം നിറഞ്ഞ പിറന്നാൾ ആശംസകൾ'. ഈ പോസ്റ്റിന് താഴെ കമൻ്റിലൂടെ ഭാമയുടെ ആരാധകരും സുരേഷ് ഗോപിക്ക് ആശംസകൾ അറിയിക്കുന്നുണ്ട്.

Also Read: 'ചാരമാണെന്നു കരുതി ചികയാന്‍ നില്‍ക്കേണ്ട'; വീണ്ടും തോക്കെടുത്ത് സുരേഷ് ഗോപി, കാവല്‍ ടീസര്‍

ഇതിനോടകം നിരവധി താരങ്ങളാണ് സുരേഷ് ഗോപിയ്ക്ക് ആശംസ അറിയിച്ച് രംഗത്തെത്തിയത്. നടന്മാരായ മമ്മൂട്ടി, മോഹൻലാൽ, കുഞ്ചാക്കോ ബോബൻ, അജു വർഗ്ഗീസ്, നിവിൻ പോളി, നടി രാധിക, ഉണ്ണി മുകുന്ദൻ, അക്ഷയ് രാധാകൃഷ്ണൻ, ദുൽഖർ സൽമാൻ, ജയസൂര്യ, സണ്ണി വെയ്ൻ നടി അനശ്വര രാജൻ, അശ്വിൻ, വിനു മോഹൻ, സംവിധായകൻ പ്രജേഷ് സെൻ, ഗിന്നസ് പക്രു, പൃഥ്വിരാജ് സുകുമാരൻ, ആസിഫ് അലി, നടി അനു സിതാര, സംവിധായകൻ അരുൺ ഗോപി, സലിം കുമാർ സുരേഷ് ഗോപിയുടെ മകൻ ഗോകുൽ സുരേഷ് എന്നിവരും പ്രിയപ്പെട്ട സുരേഷേട്ടന് ആശംകളറിയിച്ച് രംഗത്തെത്തിയിരുന്നു.