ഭാവന ക്വാറന്‍റൈനിലോ? സ്രവ സാംപിള്‍ പരിശോധനയ്ക്ക് അയച്ചതായി റിപ്പോര്‍ട്ടുകള്‍

നടൻ സുരാജ് വെഞ്ഞാറമൂട് ഇന്നലെ ക്വാറന്‍റൈനിൽ കഴിയുന്നതുമായി ബന്ധപ്പെട്ട വാര്‍ത്ത പുറത്തുവന്നതിന് പിന്നാലെ നടി ഭാവന ക്വാറന്‍റൈനിൽ കഴിയുന്നതായി റിപ്പോര്‍ട്ട്. കഴിഞ്ഞ ദിവസം ബെംഗലുരുവിൽ നിന്നും കേരളത്തിലെത്തിയ നടി ഭാവനയുടെ സ്രവസാംപിൾ പരിശോധനയ്ക്കയച്ചുവെന്നും റിപ്പോര്‍ട്ടുകളുണ്ട്.

Also Read: 'അവരുടെ രാവുകളി'ലൂടെ മലയാളത്തിലെത്തിയ സുന്ദരി; മിലനയുടെ പുത്തൻ ചിത്രങ്ങൾ

ബെംഗലുരുവില്‍ നിന്നും തൃശൂരിലെ വീട്ടിലേക്ക് മുത്തങ്ങ അതിർത്തി വഴിയാണ് കേരളത്തിലെത്തിയതെന്ന് വിവിധ മാധ്യമങ്ങള്‍ റിപ്പോര്‍ട്ട് ചെയ്തിട്ടുണ്ട്. അതിർത്തി വരെ ഭർത്താവ് നവീനിനോടൊപ്പം കാറിലെത്തിയ നടി ശേഷം സഹോദരനൊപ്പമാണ് വീട്ടിലേക്കെത്തിയതെന്നാണ് സൂചന.

തിങ്കളാഴ്ച ഉച്ചയ്ക്ക് ഒന്നരയോടെയാണ് ഭാവന കേരളത്തിലെത്തിയത്. ചെക്പോസ്റ്റുകളിൽ പ്രാഥമിക വിവര ശേഖരണ പരിശോധനകള്‍ പൂര്‍ത്തിയാക്കിയ ശേഷം ഫെസിലിറ്റേഷൻ സെന്‍ററിലെത്തിയാണ് ആരോഗ്യ പരിശോധനയ്ക്ക് വിധേയയായതെന്നാണ് പുറത്തുവന്നിരിക്കുന്ന വിവരം.

Also Read: ദിഗംഭരൻ്റെ ഭാമയെ ഓർമ്മയില്ലേ!; കിടിലൻ ഹോട്ട് ചിത്രങ്ങൾ കാണൂ!

ഇവിടെ വെച്ച് ഭാവനയുടെ സ്രവസാംപിൾ ശേഖരിച്ച് പരിശോധനയ്ക്കായി അയച്ചു. ഫെസിലിറ്റേഷൻ സെന്‍ററിലും പരിസരത്തും ഉണ്ടായിരുന്നവർ സാമൂഹിക അകലം പാലിച്ച് ഭാവനയോടൊപ്പം സെൽഫി പകർത്തിയെന്ന് മനോരമ ഓൺലൈൻ റിപ്പോര്‍ട്ട് ചെയ്തിട്ടുണ്ട്. പോലീസ് അകമ്പടിയോടെയാണ് നടിയെ ഹോം ക്വാറന്‍റൈനിലേക്ക് എത്തിച്ചതെന്നും അവർ റിപ്പോര്‍ട്ട് ചെയ്തിട്ടുണ്ട്.

Also Watch :