നൊമ്പരങ്ങള്‍ മാറ്റാൻ ഒരു കപ്പ് ചായ മതി! മഴ, ചായ ഇഷ്ടത്തെ കുറിച്ച് ഭാവന

മലയാളത്തിന്‍റെ പ്രിയ താരമാണ് ഭാവന. മലയാളത്തിലൂടെയെത്തി പിന്നീട് തമിഴിലും തെലുങ്കിലും കന്നഡയിലുമൊക്കെ ഏറെ സജീവമായെങ്കിലും മലയാള സിനിമകളിലെ ശ്രദ്ധേയ വേഷങ്ങളിലൂടെ ഇപ്പോഴും പ്രേക്ഷകരുടെ മനസ്സിലാണ് ഭാവനയ്ക്ക് താരം. 2 വര്‍ഷം മുമ്പായിരുന്നു ഭാവനയുടെ വിവാഹം നടന്നത്. കന്നഡയിലെ നിര്‍മ്മാതാവായ നവീനാണ് ഭാവനയുടെ ഭര്‍ത്താവ്. അടുത്തിടെ തങ്ങളുടെ പ്രണയത്തിന്‍റെ 9-ാം വര്‍ഷത്തിൽ മനോഹമായൊരു കുറിപ്പും ചിത്രങ്ങളുമായി ഭാവന എത്തിയിരുന്നു.

Also Read: വിവാദമായ ഇൻസ്റ്റാഗ്രാം സ്റ്റോറി; സൈബറാക്രമണങ്ങൾക്ക് മറുപടിയുമായി അഹാന!

ഇപ്പോഴിതാ മറ്റൊരു ചിത്രം ഇൻസ്റ്റയിൽ പങ്കുവെച്ചിരിക്കുകയാണ് ഭാവന. ഇടയ്ക്കിടയ്ക്ക് ഞാൻ ദുഖിതയാകും. പക്ഷേ അപ്പോള്‍ ഒരു കപ്പ് ചൂട് ചായ കുടിക്കുന്നതിനെ പറ്റി ആലോചിക്കും. പിന്നെ എല്ലാം ശരിയാകും എന്നാണ് ഭാവന ഒരു കപ്പ് ചായയുമായിരിക്കും ചിത്രം പങ്കുവെച്ച് കുറിച്ചിരിക്കുന്നത്. ടീ ലവർ, റെയ്ൻ ആൻഡ് ടീ, ചായ് എന്നീ ഹാഷ് ടാഗുകളും കൂടെ ചേർത്തിട്ടുണ്ട്.

Also Read: 'കണ്ണിൽ ക്രൗര്യവും അടങ്ങാത്ത പോരാട്ടവീര്യവുമായി അവൻ'; കടുവ പോസ്റ്ററിനായി ഒരുപാട് ബുദ്ധിമുട്ടിക്കാണുമല്ലോയെന്ന് ആരാധകർ!

നിരവധി കമന്‍റുകളാണ് ചിത്രത്തിന് താഴെ കമന്‍റുകളായി എത്തിയിരിക്കുന്നത്. ഞങ്ങള്‍ക്കും ചായയാണ് ഇഷ്ടം, ചായ കിടുവാണ്, ഉയരം കൂടുന്തോറും ചായയ്ക്ക് രുചി കൂടും, അൽപ്പം ഉയരത്തിലിരുന്ന് കുടിക്കൂ എന്നൊക്കെ രസകരമായ കമന്‍റുകളാണ് ചിത്രത്തിന് ലഭിച്ചുകൊണ്ടിരിക്കുന്നത്.

Also Watch :