അറിയാവുന്നതാണ്
സ്ലിപ്പെന്ന ഭാഗം കൂടി ചേര്‍ന്നതാണ് ആ ടോപ്പ്. ദേഹത്തോട് ഒട്ടിക്കിടക്കുന്ന വസ്ത്രമാണ് സ്ലിപ്പ്. ഒത്തിരിപേര്‍ ഉപയോഗിക്കുന്നതാണ് അത്. ടോപ് മാത്രം ധരിച്ച് പുറത്ത് പോവുന്നയാളല്ല താനെന്നുമായിരുന്നു ഭാവന മനോരമയോട് പ്രതികരിച്ചത്. നിമിഷനേരം കൊണ്ടായിരുന്നു താരത്തിന്റെ വാക്കുകള്‍ വൈറലായി മാറിയത്. ഇന്‍സ്റ്റഗ്രാമിലൂടെയായും ഭാവന ഇതേക്കുറിച്ച് വിശദീകരിച്ചിരുന്നു. ശില്‍പ ബാലയുള്‍പ്പടെയുള്ളവര്‍ ഭാവനയുടെ പോസ്റ്റ് സ്‌റ്റോറിയായി പങ്കുവെച്ചിരുന്നു.
തടസം നിൽക്കില്ല
എല്ലാം ശരിയാവും എന്ന് ഓരോ ദിവസവും സ്വയം പറഞ്ഞു ജീവിച്ചു തീർക്കാൻ നോക്കുമ്പോൾ, എന്റെ പ്രിയപെട്ടവരെ വിഷമിപ്പിക്കരുത് എന്ന് വിചാരിച്ചു സങ്കടങ്ങൾ മാറ്റി വെക്കാൻ നോക്കുമ്പോളും, ഞാൻ എന്തു ചെയ്താലും ആക്ഷേപിക്കാനും ചീത്ത വാക്കുകൾ ഉപയോഗിച്ച് എന്നെ വേദനിപ്പിച്ചു വീണ്ടും ഇരുട്ടിലേക്ക് വിടാൻ നോക്കുന്ന ഒരുപാട് പേര് ഉണ്ട് എന്ന് എനിക്ക് അറിയാം. അങ്ങനെ ആണ് അവരൊക്കെ സന്തോഷം കണ്ടെത്തുന്നത് എന്നും എനിക്ക് ബോധ്യമുണ്ട്. അങ്ങനെ ആണ് നിങ്ങൾക്കു സന്തോഷം കിട്ടുന്നത് എങ്കിൽ അതിലും ഞാൻ തടസം നിൽക്കില്ല എന്നുമായിരുന്നു ഭാവന കുറിച്ചത്.
ഓഫാക്കി
പതിവില്‍ നിന്നും വ്യത്യസ്തമായി കമന്റ് ബോക്‌സ് ഓഫാക്കി വെച്ചായിരുന്നു ഭാവന ഇതേക്കുറിച്ച് പോസ്റ്റിട്ടത്. എന്ത് ചെയ്താലും തന്നെ വേദനിപ്പിച്ച് സന്തോഷം കണ്ടെത്തുന്ന ചിലരുണ്ടെന്നും അത് തുടട്ടെയെന്നും അതിന് താന്‍ തടസം നില്‍ക്കില്ലെന്നും താരം കുറിച്ചിരുന്നു. താരങ്ങളടക്കം നിരവധി പേരാണ് ഭാവനയുടെ പോസ്റ്റ് ലൈക്ക് ചെയ്തിട്ടുള്ളത്.
തിരിച്ചുവരവ്
നീണ്ടനാളത്തെ ഇടവേളയ്ക്ക് ശേഷമായി ഭാവന മലയാളത്തിലേക്ക് തിരിച്ചെത്തുകയാണ്. ന്റിക്കാക്കൊരു പ്രേമംണ്ടാരുന്നു എന്ന ചിത്രത്തിലൂടെയാണ് താരം തിരിച്ചെത്തുന്നത്. പൃഥ്വിരാജ് ചിത്രമായ ആദം ജോണിലായിരുന്നു ഒടുവിലായി കണ്ടത്. മലയാളത്തിലെ ഇടവേള അവസാനിപ്പിച്ചൂടേയെന്നായിരുന്നു ആരാധകര്‍ നിരന്തരമായി ചോദിച്ചിരുന്നത്. അടുത്തിടെയായിരുന്നു മലയാളത്തിലേക്ക് തിരിച്ചെത്തുകയാണെന്ന സന്തോഷവാര്‍ത്ത പങ്കുവെച്ച് ഭാവനയെത്തിയത്.