'കെമിസ്ട്രി'യിൽ അരങ്ങേറ്റം
2009 ൽ സംവിധായകൻ വിജി തമ്പി ഒരുക്കിയ 'കെമിസ്ട്രി' എന്ന സിനിമയിൽ 'ജൂണാ മേരി' എന്ന കഥാപാത്രമായി സിനിമാ അരങ്ങേറ്റം നടത്തിയ താരമാണ് ദേവകി. മാലികിൽ ഡേവിഡിൻ്റെ ഭാര്യയും ഫ്രെഡിയുടെ അമ്മയുമായി മികച്ച പ്രകടനമാണ് നടിയും നർത്തകിയും തിയേറ്റർ ആർട്ടിസ്റ്റുമായ ദേവകി നടത്തിയിരിക്കുന്നത്.
നാടകവും സിനിമയും
1992 മെയ് 07 ന് തിരുവനന്തപുരത്ത് രാജേന്ദ്രൻ, ജയ ദമ്പതികളുടെ മകളായി ജനിച്ച ദേവകി നാലു വയസ്സുള്ളപ്പോൾ മുതൽ നാടോടി നൃത്തവും ഭരതനാട്യവുമൊക്കെ അഭ്യസിക്കുന്നുണ്ട്. കുടുംബത്തോടൊപ്പം ഇടക്കാലത്ത് മുംബെയിലേക്ക് താമസം മാറുകയുണ്ടായി. പിന്നീട് ഹയർ സെക്കൻ്ററി പഠനകാലത്താണ് നാട്ടിലേക്ക് തിരിച്ചെത്തിയത്.
Also Read:'മാലിക് സത്യസന്ധമല്ലാത്ത സിനിമ'; എന്തൊരു പ്രഹസനാണ്‌ സജിയെന്ന് എൻ എസ് മാധവൻ
മ്യൂസിക് വീഡിയോകളിലും
തിരുവനന്തപുരം മഹാരാജാസ് വിമൻസ് കോളേജിൽ നിന്ന് സംഗീതത്തിൽ ബിരുദവും ബിരുദാനന്തര ബിരുദവും നേടിയ ദേവകി ഒരു ഗായിക കൂടിയാണ്. കോളേജ് പഠനകാലത്താണ് രാജീവ് ഗോപാലകൃഷ്ണൻ സംവിധാനം ചെയ്ത സമസ്യാപൂരണം എന്ന നാടകത്തിൽ അഭിനയിച്ചത്. ശേഷം 'കിമർഥം ദ്രൗപതി', സ്വര്‍ണ്ണസിംഹാസനം തുടങ്ങിയ ഏതാനും നാടകങ്ങളുടെ ഭാഗമായി. ചില മ്യൂസിക് വീഡിയോകളിൽ അഭിനയിച്ചിട്ടുമുണ്ട്.
'ഒറ്റമുറി വെളിച്ച'ത്തിലും മികച്ച വേഷം
അതിന് മുമ്പ് കെമിസ്ട്രി എന്ന ചിത്രത്തിൽ അഭിനയിച്ചിട്ടുണ്ട് 2009-ൽ അതിന് ശേഷം 2018ൽ രാഹുൽ റിജി നായർ സംവിധാനം ചെയ്ത ഒറ്റമുറി വെളിച്ചം എന്ന സിനിമയുടെ ഭാഗമായി. പിന്നീട് സ്ലീപ്പ്‍ലെസ്ലി യുവേഴ്സ് എന്ന സിനിമയിലും അഭിനിച്ചു. ഏതാനും ഹ്രസ്വചിത്രങ്ങളിലും അഭിനയിച്ചിട്ടുണ്ട്.
'മാലികി'ലെ മേരി
'മാലികി'ൽ മേരി എന്ന കഥാപാത്രമായി ഏറെ ശ്രദ്ധ നേടിയിരിക്കുകയാണ് ഇപ്പോള്‍ ദേവകി. വിനയ് ഫോർട്ട് അവതരിപ്പിച്ച ഡേവിഡ് എന്ന കഥാപാത്രത്തിന്‍റെ ഭാര്യയും സനൽ അവതരിപ്പിക്കുന്ന ഫ്രെഡ്ഡി എന്ന കഥാപാത്രത്തിന്‍റെ അമ്മയുമായുള്ള വേഷം ദേവകി ഏറെ തന്മയ്വത്തോടെ അവതരിപ്പിച്ചതായി പ്രേക്ഷകരും നിരൂപകരും ഒരുപോലെ സമർഥിക്കുന്നു.