'നീ ഭാഗ്യവതിയാണ്'; പൃഥ്വിയില്‍ നിന്നും ലഭിച്ച വിലയേറിയ ഉപദേശത്തെ കുറിച്ച് ദിവ്യ പിള്ള

ഊഴത്തില്‍ പൃഥ്വിരാജിനൊപ്പം അഭിനയിച്ച് പ്രേക്ഷകരുടെ കെെയ്യടി നേടിയ നടിയാണ് ദിവ്യ പിള്ള. ദിവ്യയുടെ സിനിമ ജീവിതം അഞ്ച് വര്‍ഷം കടന്നിരിക്കുകയാണ്. എയര്‍ലെെന്‍സില്‍ ജോലി ചെയ്തിരുന്ന ദുബെെക്കാരി ദിവ്യ ഇന്ന് പ്രേക്ഷകരുടെ പ്രിയങ്കരിയാണ്. ഈ സാഹചര്യത്തില്‍ ദിവ്യ ടെെംസ് ഓഫ് ഇന്ത്യയോട് മനസ് തുറക്കുകയാണ്.

Also Read: 'ഒറിജിനല്‍ മഹേഷിനെ കാണരുത്'; തെലുങ്ക് മഹേഷിന് സംവിധായകന്‍ നല്‍കിയ നിര്‍ദ്ദേശം

ഊഴത്തിലെ കഥാപാത്രം തനിക്ക് ഒരുപാട് കാര്യങ്ങള്‍ പഠിക്കാനുള്ള അവസരമാണ് നല്‍കിയതെന്ന് ദിവ്യ പറയുന്നു. പൃഥ്വിരാജ് നായകനായ ചിത്രത്തില്‍ ഗായത്രി എന്ന കഥാപാത്രമായാണ് ദിവ്യ എത്തിയത്. പൃഥ്വിരാജ് പിന്നീട് സംവിധായകനായി മാറുമെന്ന് അന്ന് അറിയില്ലായിരുന്നു, പക്ഷെ സിനിമയുടെ സാങ്കേതിക വശങ്ങള്‍ പഠിക്കാന്‍ പൃഥ്വി തന്നെ സഹായിച്ചിരുന്നുവെന്ന് ദിവ്യ പറയുന്നു.

''അദ്ദേഹം പറഞ്ഞ ഏറ്റവും പ്രധാനപ്പെട്ട കാര്യം, ഞാന്‍ ഭാഗ്യവതിയാണെന്നാണ്. ആയിരിക്കണക്കിന് പേരാണ് ഈ അവസരത്തിനായി ശ്രമിക്കുന്നത്. അതുകൊണ്ട് തന്നെ ഈ അവസരത്തെ ചെറുതായി കാണരുത്. അത് ഞാന്‍ മനസിലാക്കി'' ദിവ്യ പറയുന്നു.

Also Read: ഇത് യോഗയോ അതോ ഡാന്‍സോ? രസ്നയുടെ വീഡിയോ വെെറല്‍

അധികം കഷ്ടപ്പെടാതെ തന്നെയാണ് സിനിമയിലേക്ക് വന്നത്. അഭിനേത്രിയാകാന്‍ ഒരിക്കലും ആഗ്രഹിച്ചിരുന്നില്ല. പക്ഷെ ഇപ്പോള്‍ ഞാന്‍ സിനിമയെ പ്രണയിക്കുന്നു. ഇതുവരെ ചെയ്ത ഒരു സിനിമയെ ഓര്‍ത്തും കുറ്റബോധമില്ല. ഓരോ കഥാപാത്രവും എനിക്ക് പുതിയ അനുഭവങ്ങളാണ് നല്‍കിയതെന്നും ദിവ്യ പറയുന്നു.