ആരാധകര്ക്ക് ശിവരാത്രി ആശംസകൾ നേര്ന്ന് നടിയും നര്ത്തകിയുമായ ദിവ്യ ഉണ്ണി രംഗത്ത്. ഇൻസ്റ്റാഗ്രാമിലൂടെയാണ് താരം ആരാധകര്ക്ക് ആശംസകൾ നേര്ന്നത്. തൻ്റെ സ്വന്തം നൃത്തശിൽപത്തിൽ നിന്നുള്ള ചിത്രം പങ്കുവെച്ചുകൊണ്ടായിരുന്നു ദിവ്യ ഉണ്ണി ആശംസകൾ അറിയിച്ചത്. ശിവം ശിവകരം ശാന്തം ശിവാത്മാനം ശിവോത്തമം ശിവമാർഗ്ഗപ്രണേതാരം പ്രണതോസ്മി സദാശിവം എന്ന ശിവസ്തുതി കുറിച്ചു കൊണ്ട് എല്ലാവര്ക്കും ശിവരാത്രി ആശംസകൾ നേരുന്നെന്നും താരം ചിത്രത്തിനൊപ്പം കുറിച്ചു. കൂടാതെ ഭഗവാൻ ശിവൻ നിയന്ത്രണത്തെ പ്രതിനിധാനം ചെയ്യുന്നുവെന്നും ദിവ്യ ഉണ്ണി ഇൻസ്റ്റാഗ്രാമിൽ വ്യക്തമാക്കി. ജഗദ്വിഷയകമായ നൃത്തത്തിന് അധിപനും അര്ധനാരീശ്വരനുമാണ് ശിവനെന്നും ദക്ഷിണാമൂര്ത്തിയും രുദ്രനും ശിവനാണെന്നും ദിവ്യ ഉണ്ണി കുറിച്ചു. കൂടാതെ അനവധി നിരവധി രൂപങ്ങളിലൂടെ ഭഗവാൻ നമ്മുടെ മനസിനെ ദൃഢനിശ്ചയത്തിന് പ്രാപ്തനാക്കുന്നുവെന്നും സ്വയം തിരിച്ചറിയാൻ ആവശ്യമായ കഴിവിനെ സ്വായത്തമാക്കാൻ അത് സഹായിക്കുന്നുവെന്നും ദിവ്യ ഉണ്ണി ഇൻസ്റ്റാഗ്രാമിൽ കുറിച്ചു.
ഒട്ടേറെ ആരാധകരാണ് താരത്തിൻ്റെ ശിവരാത്രി ആശംസകൾക്ക് മറുപടിയുമായി എത്തിയിട്ടുള്ളത്. ദിവ്യ ഉണ്ണിയെ പ്രകീര്ത്തിച്ചും വിമര്ശിച്ചും രംഗത്തെത്തിയിട്ടുള്ളവരും കുറവല്ല.
ഒട്ടേറെ ആരാധകരാണ് താരത്തിൻ്റെ ശിവരാത്രി ആശംസകൾക്ക് മറുപടിയുമായി എത്തിയിട്ടുള്ളത്. ദിവ്യ ഉണ്ണിയെ പ്രകീര്ത്തിച്ചും വിമര്ശിച്ചും രംഗത്തെത്തിയിട്ടുള്ളവരും കുറവല്ല.