പിറന്നാൾ സമ്മാനപ്പൊതി തുറന്ന ദൃശ്യ ഞെട്ടി

ഹാപ്പി വെഡ്ഡിങ്, മാച്ച് ബോക്സ് എന്നീ ചിത്രങ്ങളിലൂടെ ആരാധകരുടെ മനംകവർന്ന ദൃശ്യ രഘുനാഥ് അക്ഷരാര്‍ത്ഥത്തിൽ ഞെട്ടിയിരിക്കുകയാണ്. നടിയ്ക്ക് ലഭിച്ച അപ്രതീക്ഷിത പിറന്നാൾ സമ്മാനമാണ് നടിയെ ഞെട്ടിച്ചത്. കഴിഞ്ഞ ദിവസമായിരുന്നു നടിയുടെ ജന്മദിനം. ആരാധകരിൽ ഒരാളാണ് താരത്തിന് സർപ്രൈസ് ഗിഫ്‌റ്റ് അയച്ചത്.


നടി തന്നെയാണ് സമ്മാനപ്പൊതി തുറക്കുന്ന വീഡിയോ സമൂഹ മാധ്യമത്തിലൂടെ പങ്കുവെച്ചത്. മനോഹരമായി വരച്ച ദൃശ്യയുടെ ഒരു ചിത്രമാണ് നടിക്ക് ലഭിച്ച സമ്മാനം. സമ്മാനം തനിക്ക് ഒരുപാട് ഇഷ്‌ടമായെന്നും ദൃശ്യ അറിയിച്ചു. ആശംസകൾ അറിയിച്ച എല്ലാവർക്കും നന്ദി പറയാനും ദൃശ്യ മറന്നില്ല.