'കുടുംബവിളക്കി'ലെ നിലീന
സിദ്ധാര്‍ത്ഥ് മേനോന്‍ എന്ന ബിസിനസുകാരന്‍റേയും അയാളുടെ ഭാര്യ സുമിത്രയുടേയും ഇവരുമായി ബന്ധപ്പെട്ടവരുടേയും കഥാഗതികളിലൂടെ നീങ്ങുന്ന മലയാളത്തിലെ ശ്രദ്ധ നേടിയ പരമ്പരയാണ് 'കുടുംബവിളക്ക്'. ഏഷ്യാനെറ്റില്‍ സംപ്രേഷണം ചെയ്തുവരുന്ന സീരിയലിന് മികച്ച പ്രതികരണമാണ് ലഭിക്കുന്നത്. നടി മീര വസുദേവാണ് പരമ്പരയിൽ സുമിത്രയെന്ന വീട്ടമ്മയെ അവതരിപ്പിക്കുന്നത്.
അമ്മയും മകളും
സംപ്രേക്ഷണം തുടങ്ങിയ ആദ്യ ആഴ്ചകള്‍ മുതൽ മുന്നൂറ് എപ്പിസോഡുകള്‍ പിന്നിട്ടിരിക്കുമ്പോഴും ടിആര്‍പി റേറ്റിങ്ങിൽ ഒന്നാം സ്ഥാനത്താണ് ഇപ്പോഴും കുടുംബവിളക്ക്. പരമ്പരയിൽ സുമിത്രയുടെ കോളേജ് കാലത്തെ ഉറ്റ സുഹൃത്തായ നിലീന ഭാസ്കറായെത്തുന്ന കഥാപാത്രത്തെ അവതരിപ്പിക്കുന്നത് ഗായത്രിയുടെ അമ്മയായ ബിന്ദു പങ്കജാണ്.
'മെമ്പര്‍ രമേശൻ ഒമ്പതാം വാര്‍ഡ്'
അമ്മയും മകളും സോഷ്യൽമീഡിയ ലോകത്ത് സജീവമാണ് ഇരുവരും ഒരുമിച്ചുള്ള ചിത്രങ്ങളടക്കം ഇടയ്ക്കിടയ്ക്ക് ഇൻസ്റ്റയിൽ പങ്കുവയ്ക്കാറുണ്ട്. കാഴ്ചയിലും ഏറെ സാദൃശ്യമാണ് ഇരുവർക്കുമുള്ളത്. 'ലഡ്ഡു' സിനിമയിലൂടെ സിനിമാരംഗത്ത് എത്തിയ ഗായത്രി നായികയാകുന്ന 'മെമ്പര്‍ രമേശൻ ഒമ്പതാം വാര്‍ഡ്' എന്ന ചിത്രം ബോബൻ & മോളി എന്‍റർടൈൻമെന്‍റ്സിന്‍റെ ബാനറിൽ ബോബൻ, മോളി എന്നിവരാണ് നിര്‍മ്മിക്കുന്നത്. നവാഗതരായ ആന്‍റോ ജോസ് പെരേരയും എബി ട്രീസ പോളും ചേർന്ന് രചന നിർവഹിച്ച് സംവിധാനം ചെയ്യുന്നതാണ് ചിത്രം.
മൂന്ന് മില്ല്യൺ കടന്ന് അലരേ...
'സ്റ്റാർ'
ചെമ്പൻ വിനോദ്, സാബുമോൻ അബ്ദുസമദ്, ശബരീഷ് വർമ്മ, രഞ്ജി പണിക്കർ , ഇന്ദ്രൻസ്, മമ്മുക്കോയ, സാജു കൊടിയൻ, ജോണി ആന്‍റണി, ബിനു അടിമാലി, അനൂപ് (ഗുലുമാൽ , )മെബിൻ ബോബൻ, അഭിമന്യു, ശാരിക ഗീതുസ്, സ്മിനു സിജോ, സിനി അബ്രഹാം, സജാദ് ബ്രൈറ്റ്, കല തുടങ്ങി ഒട്ടനവധി താരങ്ങളാണ് ചിത്രത്തിലുള്ളത്. ജോജു ജോര്‍ജ്ജും പൃഥ്വിരാജും ഷീലു എബ്രഹാമും പ്രധാന വേഷങ്ങളിലെത്തുന്ന 'സ്റ്റാർ' എന്ന സിനിമയിലും ഗായത്രി അശോക് അഭിനയിക്കുന്നുണ്ട്. രണ്ട് ചിത്രങ്ങളും റിലീസിനായി ഒരുങ്ങുകയാണ്.
ചിത്രങ്ങൾ കടപ്പാട് - ഇൻസ്റ്റഗ്രാം
Also Read: നസ്‌റിയ എന്നെ വിളിക്കുന്നത് ലക്കി അലി എന്നാണ്, സിനിമകള്‍ വിജയിക്കുന്നതില്‍ മാജിക്ക് ഒന്നുമില്ല എന്ന് ഫഹദ് ഫാസില്‍!