'5 വ‍ർഷം ലീവെടുക്കാതെ ജോലി ചെയ്ത മോദിയെ ബഹുമാനിക്കൂ': ജൂഹി ചൗള

മുംബൈ: പ്രധാനമന്ത്രി നരേന്ദ്രമോദിയെ പ്രകീര്‍ത്തിച്ച്‌ ബോളിവുഡ് നടി ജൂഹി ചൗള രംഗത്ത്. രാജ്യത്തിന് ഏറെ ഗുണകരമാകുന്ന കാര്യങ്ങളെക്കുറിച്ച്‌ എന്നും ചിന്തിച്ചുകൊണ്ടിരിക്കുന്നയാളാണ് മോദിയെന്നാണ് ജൂഹി ചൗള അഭിപ്രായപ്പെട്ടിരിക്കുന്നത്. ബി ജെ പി സംഘടിപ്പിച്ച സിഎഎ അനുകൂല ബോധവല്‍ക്കരണ ചടങ്ങിലാണ് ജൂഹിയുടെ ഈ പരാമര്‍ശം.


Also Read: നിഴൽചിത്രമായ് ജാൻവി; ചിത്രത്തുന്നലുള്ള ലെഹംഗയണിഞ്ഞ് പുത്തൻ ചിത്രങ്ങൾ


രാജ്യത്തിന്‍റെ ഐക്യത്തിന് ഭരണകൂടം മാത്രമല്ല ഓരോ പൗരന്‍റേയും ഉത്തരവാദിത്തം കൂടിയാണെന്നും അവര്‍ പറഞ്ഞു. കഴിഞ്ഞ 5 വര്‍ഷങ്ങളിലായി തങ്ങളുടെ ജോലിയില്‍ നിന്ന് ഒരു ലീവെങ്കിലും എടുക്കാത്ത ആരെങ്കിലും ഉണ്ടോ എന്ന് ചോദിച്ചുകൊണ്ടായിരുന്നു 200 ഓളം പേര്‍ പങ്കെടുത്ത ചടങ്ങില്‍ ജൂഹി പ്രസംഗം ആരംഭിച്ചത്. ഇത് കേട്ടതോടെ വന്നവർ ഒന്നടങ്കം മോദി മോദിയെന്ന് ഹര്‍ഷാരവം മുഴക്കി, ഉത്തരം ശരിവെച്ച ജൂഹി ചൗള അദ്ദേഹത്തിന് പ്രധാനമന്ത്രി പദം രാജ്യത്തോടുള്ള സേവനമാണ് എന്ന് അഭിപ്രായപ്പെടുകയുണ്ടായി. താന്‍ ഏതെങ്കിലും പാര്‍ട്ടിയെക്കുറിച്ചോ രാഷ്ട്രീയത്തെക്കുറിച്ചോ അല്ല പറയുന്നതെന്നും രാജ്യത്തിനു വേണ്ടി അഹോരാത്രം പ്രയത്‌നിക്കുന്ന മോദിയെന്ന ഒരു മനുഷ്യനെക്കുറിച്ചാണ് ഈ പറയുന്നതെന്നുമായിരുന്നു ജൂഹി ചൗളയുടെ വിശദീകരണം.

Also Read: പരസ്പരം ആക്രമിക്കാതെ ഒരു പരിഹാരം കണ്ടെത്തൂ; ജെഎന്‍യു അക്രമത്തില്‍ സണ്ണി

രാജ്യത്തിന്‍റെ ഐക്യത്തിന് എല്ലാവരും ഒറ്റക്കെട്ടായി പ്രവര്‍ത്തിക്കണം. അഭിപ്രായവ്യത്യാസമുണ്ടെന്ന് കരുതി ആരെങ്കിലും കുടുംബം തകര്‍ക്കുമോ? ഇല്ല, അതിനാൽ എല്ലാവരും രാജ്യം പുരോഗതിയിലേക്ക് നീങ്ങുന്നതിനായി യത്നിക്കണം. പ്രസംഗത്തിനിടെ ജൂഹി പറയുകയുണ്ടായി. നിരവധി ബോളിവു‍ഡ് താരങ്ങൾ കഴിഞ്ഞദിവസം ജെഎൻയു വിദ്യാർ‍ഥികള്‍ക്ക് ഐക്യദാര്‍ഢ്യം പ്രഖ്യാപിച്ചതോടെയാണ് ബിജെപി തങ്ങളോടൊപ്പമുള്ള താരങ്ങളെ അണിനിരത്തികൊണ്ട് ചടങ്ങുകൾ നടത്തിക്കൊണ്ടിരിക്കുന്നത്.

Also Watch :