സലിം കുമാറിനോട് ഹൃദയത്തിൻ്റെ അടിത്തട്ടിൽ നിന്ന് ക്ഷമ ചോദിച്ച് നടി ജ്യോതി കൃഷ്ണ!; വീഡിയോ!

മമ്മൂട്ടിച്ചിത്രമായ ബോംബെ മാർച്ച് 2012 എന്ന ചിത്രത്തിലൂടെ മലയാള സിനിമയിലെത്തിയ താരമാണ് ജ്യോതി കൃഷ്ണ. പിന്നീട് മൂന്നാം നാൾ ഞായറാഴ്ച, ലൈഫ് ഓഫ് ജോസൂട്ടി, ഞാൻ, ഇതു പാതിരാമണൽ, ഗോഡ് ഫോർ സെയിൽ തുടങ്ങി ശ്രദ്ധേയമായ സിനിമകളിൽ അഭിനയിച്ചു കൈയ്യടി നേടിയിരുന്നു. വിവാഹ ശേഷം സിനിമ വിട്ട താരം ഇപ്പോൾ ദുബായിൽ സ്ഥിരതാമസമാക്കിയിരിക്കുകയാണ്. നടി രാധികയുടെ സഹോദരൻ അരുൺ ആനന്ദ് രാജയാണ് ജ്യോതി കൃഷ്ണയുടെ ഭർത്താവ്. അടുത്തിടെയാണ് ജ്യോതി കൃഷ്ണ സോഷ്യൽ മീഡിയയിൽ ആക്ടീവായത്.

Also Read:നിന്നെ സ്നേഹിക്കുന്നു; എപ്പോഴും സ്നേഹിക്കും; മലരിനോട് മേരി

ഇപ്പോഴിതാ ജ്യോതി കൃഷ്ണ തൻ്റെ ഫേസ്ബുക്കിൽ പങ്കുവെച്ച ഒരു ചലഞ്ച് വീഡിയോയാണ് ശ്രദ്ധ നേടുന്നത്. ജീവിതത്തിൽ എപ്പോഴെങ്കിലും ഒരു സോറി പറഞ്ഞാൽ തീരാവുന്ന പ്രശ്നമേയുണ്ടായിരുന്നുള്ളു എന്ന് തോന്നുകയും ചില പ്രശ്നങ്ങൾ കൊണ്ട് അകന്നു പോയവരെ തിരിച്ചു പിടിക്കാൻ പറ്റിയിരുന്നെങ്കിൽ എന്ന് തോന്നിയവരോടും മടിക്കാതെ സോറി പറഞ്ഞ് ജീവിതത്തിലേക്ക് തിരികെ കൊണ്ടുവരണമെന്ന് പറയുകയാണ് ജ്യോതി കൃഷ്ണ.

Also Read: അര്‍ഹിക്കുന്ന വില കിട്ടുന്നില്ല; മലയാളത്തില്‍ പാടുന്നത് നിര്‍ത്തിയെന്ന് വിജയ് യേശുദാസ്

അങ്ങനെ തനിക്ക് ആദ്യം സോറി പറയണമെന്ന് തോന്നുന്നത് നടൻ സലിം കുമാറിനോടാണ് എന്നും മൂന്നാം നാൾ ഞായറാഴ്ചയുടെ സെറ്റിൽ വെച്ച് പ്രശ്നമുണ്ടായെന്നും തുറന്ന് പറയുകയാണ് നടി. അന്ന് പക്വതയില്ലായ്മ കൊണ്ട് എന്തൊക്കെയോ തിരിച്ചു പറഞ്ഞെന്നും ഇപ്പോൾ എല്ലാത്തിനും ക്ഷമ ചോദിക്കണമെന്ന് തോന്നിയെന്നും ജ്യോതി കൃഷ്ണ പറയുന്നു. അന്ന് സെറ്റിൽ നിന്ന് എല്ലാവരോടും യാത്ര പറഞ്ഞ് ഇറങ്ങിയപ്പോൾ സലിം കുമാർ ചേട്ടനോട് പറഞ്ഞില്ലെന്നും അന്ന് അങ്ങനെ തോന്നിയില്ലെന്നും ജ്യോതി കൃഷ്ണ പറയുന്നു.

Also Read: ബാലയ്യയുടെ നായികയായി പ്രയാഗ തെലുങ്കിലേക്ക്!

എന്നാൽ പിന്നീട് ഞാൻ ചെയ്തത് ശരിയായില്ല എന്ന് അദ്ദേഹം പറഞ്ഞതായി അറിഞ്ഞുവെന്നും അദ്ദേഹവുമായി പിന്നീട് സംസാരിച്ചിട്ടുണ്ടെങ്കിലും ഒരു സോറി പറയാൻ പറ്റിയിരുന്നില്ലെന്നും ഈ അവസരം അതിനായി വിനിയോഗിക്കുന്നെന്നും സോറി ചലഞ്ചിൻ്റെ ഭാഗമായി ജ്യോതി കൃഷ്ണ പങ്കുവെച്ച വീഡിയോയിൽ പറഞ്ഞു.