സാമ്പത്തിക സംവരണത്തെ അനുകൂലിക്കുന്നില്ല, പ്രചരിക്കുന്നത് നിലാപാടുകള്‍ക്ക് വിരുദ്ധം: കനി കുസൃതി

തന്റെ പേരില്‍ നടക്കുന്ന വ്യാജ പ്രചരണങ്ങള്‍ക്കെതിരെ നടി കനി കുസൃതി. മികച്ച നടിക്കുള്ള സംസ്ഥാന ചലച്ചിത്ര പുരസ്കാരം നേടിയ നടിയാണ് കനി. അവാര്‍ഡ് നേടിയതിന് പിന്നാലെ തന്റെ പുരസ്താരം മലയാള സിനിമയിലെ ആദ്യ നായികയായ പികെ റോസിയ്ക്ക് സമര്‍പ്പിക്കുന്നതായി കനി പറഞ്ഞിരുന്നു. സിനിമയില്‍ നിലനില്‍ക്കുന്ന ജാതിവിരുദ്ധതേയയും കനി തുറന്നു കാട്ടിയിരുന്നു. എന്നാല്‍ സാമ്പത്തിക സംവരണവുമായി ബന്ധപ്പെട്ട കനിയുടേതെന്ന തരത്തില്‍ പ്രചരിക്കുന്ന പ്രസ്താവനക്കെതിരെയാണ് താരം ഇപ്പോള്‍ രംഗത്ത് എത്തിയിരിക്കുന്നത്.

Also Read: ഞാന്‍ സവര്‍ക്കറെ ആരാധിക്കുന്നു, അദ്ദേഹത്തെ പോലെ ജയിലില്‍ പോകാന്‍ കാത്തിരിക്കുന്നു: കങ്കണ

ഭരണഘടനാപരമായ സംവരണ തത്വത്തെ അട്ടിമറിക്കുന്നതാണ് സാമ്പത്തിക സംവരണമെന്ന് കനി പറയുന്നു. തന്റെ വിദ്യാഭ്യാസം സംബന്ധിച്ച് എഴുതിയിരിക്കുന്നതെല്ലാം വസ്തുതാവിരുദ്ധമാണെന്നും കനി പറയുന്നു. ഫെയ്സ്ബുക്ക് പോസ്റ്റിലൂടെയാണ് കനി പ്രതിരണവുമായി എത്തിയിരിക്കുന്നത്. പ്രചരണങ്ങള്‍ക്കെതിരെ നിയമനടപടി സ്വീകരിക്കുമെന്നും കനി വ്യക്തമാക്കി.

Also Read: ഞാന്‍ വിശ്വസിക്കുന്ന ദെെവം തന്ന സമ്മാനം, മനുഷ്യരൂപത്തില്‍ കൂടെ നിന്ന അദൃശ്യ ശക്തി; അനുശ്രീയെ കുറിച്ച് പിങ്കി

കനിയുടെ പോസ്റ്റിന്റെ പൂര്‍ണരൂപം

സംവരണത്തെ എതിർത്തും സാമ്പത്തിക അടിസ്ഥാനത്തിൽ ഭരണഘടനാപരമായ സംവരണ തത്വത്തെ അട്ടിമറിക്കുന്ന സാമ്പത്തിക സംവരണത്തെ ഞാൻ അനുകൂലിക്കുകയും ചെയ്യുന്നു എന്ന തരത്തിൽ ഒരു വ്യാജ സ്റ്റെറ്റ്മെന്റ് എന്റെ പേരിൽ സാമൂഹ്യ മാധ്യമങ്ങളിൽ പ്രചരിക്കുന്നതായ് സുഹ്യത്തുകൾ ശ്രദ്ധയിൽപ്പെടുത്തി. ആ വ്യാജ സ്റ്റേറ്റ്മെന്റിൽ എന്റെ വിദ്യാഭ്യാസം സംബന്ധിച്ച് എഴുതിയിരിക്കുന്നതെല്ലാം തന്നെ വസ്തുതാ വിരുദ്ധമാണ്. എന്റെ നിലപാടുകൾക്ക് വിരുദ്ധമായ് എന്റെ പേരിൽ ഇത്തരം പ്രചരണങ്ങൾ നടത്തുന്നവർക്കെതിരെ നിയമ നടപടി കൈക്കൊള്ളുന്നതാണ്.