കാവ്യയുടെ ഫോട്ടോ
കറുത്ത ഷര്‍ട്ടും ജീന്‍സുമണിഞ്ഞ് മോഡേണായുള്ള കാവ്യയുടെ ചിത്രമാണ് വൈറലായത്. പതിവ് പോലെ തന്നെ ചിരിച്ച മുഖത്തോടെയാണ് താരം ഫോട്ടോയ്ക്ക് പോസ് ചെയ്തത്. ചെന്നൈ നെയ്ല്‍ ആര്‍ടിസ്റ്ററിയില്‍ നിന്നുള്ള ഫോട്ടോയാണ് സോഷ്യല്‍മീഡിയയിലൂടെ വൈറലായി മാറിയത്. ഫാന്‍സ് പേജുകളിലൂടെയായാണ് ഫോട്ടോ പ്രചരിച്ചത്. സോഷ്യല്‍മീഡിയയില്‍ കാവ്യ മാധവന്‍ അത്ര സജീവമല്ലെങ്കിലും വിശേഷങ്ങളെല്ലാം ആരാധകര്‍ ആഘോഷമാക്കാറുണ്ട്.
തിരിച്ചുവരവിനെക്കുറിച്ച്
ദിലീപുമായുള്ള വിവാഹ ശേഷമായാണ് കാവ്യ അഭിനയത്തില്‍ നിന്നും മാറിനിന്നത്. അഭിനയിക്കുന്നതിനെക്കുറിച്ച് കാവ്യ തന്നെയാണ് തീരുമാനമെടുക്കേണ്ടതെന്നും തനിക്ക് പ്രശ്‌നങ്ങളൊന്നുമില്ലെന്നുമായിരുന്നു ദിലീപ് പ്രതികരിച്ചത്. കുടുംബജീവിതവുമായി ബന്ധപ്പെട്ട തിരക്കുകളിലാണെന്നും ഇപ്പോള്‍ അഭിനയത്തെക്കുറിച്ചൊന്നും ആലോചിക്കുന്നില്ലെന്നുമായിരുന്നു കാവ്യ പറഞ്ഞതെന്നുള്ള വിവരങ്ങളും പുറത്തുവന്നിരുന്നു.
ബാലതാരമായി
ബാലതാരമായി സിനിമയിലേക്കെത്തിയതാണ് കാവ്യ മാധവന്‍. ലാല്‍ ജോസ് സംവിധാനം ചെയ്ത ചന്ദ്രനുദിക്കുന്ന ദിക്കിലൂടെയാണ് നായികയായത്. ആദ്യ സിനിമയിലെ നായകന്‍ വര്‍ഷങ്ങള്‍ക്ക് ശേഷം ജീവിതത്തിലേയും നായകനായി മാറുകയായിരുന്നു. ഇരുവരും തമ്മില്‍ പ്രണയത്തിലാണെന്ന തരത്തിലുള്ള ഗോസിപ്പുകള്‍ നിരവധി തവണ പ്രചരിച്ചിരുന്നു.
ദിലീപിനെക്കുറിച്ച് പറഞ്ഞത്
ജ്യേഷ്ഠനെപ്പോലെയായാണ് ദിലീപിനെ കാണുന്നതെന്നും ഗോസിപ്പുകളൊന്നും ശരിയല്ലെന്നുമായിരുന്നു കാവ്യ മാധവന്‍ തുടക്കത്തില്‍ പ്രതികരിച്ചത്. മകളാണ് തന്നെ രണ്ടാം വിവാഹത്തിനായി നിര്‍ബന്ധിച്ചതെന്നും, തന്റെ പേരില്‍ ബലിയാടായ കാവ്യയെ വിവാഹം ചെയ്യാനായി തീരുമാനിക്കുകയായിരുന്നു എന്നുമായിരുന്നു വിവാഹത്തെക്കുറിച്ച് ദിലീപ് പറഞ്ഞത്.