സംവിധായകനെ ഓടിച്ചിട്ട് തല്ലി കീര്‍ത്തി സുരേഷ്; വല്ലഭന് പുല്ലാണെങ്കില്‍ കീര്‍ത്തിയ്ക്ക് കുടയാണ് ആയുധം!

തെന്നിന്ത്യന്‍ സിനിമയിലെ മിന്നും താരമാണ് കീര്‍ത്തി സുരേഷ്. മലയാളത്തിലൂടെ അരങ്ങേറി ഇപ്പോള്‍ ദേശീയ പുരസ്കാരം അടക്കം നേടിയ താരം തെലുങ്കിലെ സൂപ്പര്‍നായികയാണ്. സോഷ്യല്‍ മീഡിയയില്‍ കീര്‍ത്തി പങ്കുവച്ച രസകരമായ വീഡിയോ ആരാധകരുടെ ശ്രദ്ധ നേടുകയാണ്. സംവിധായകന്‍ വെങ്കി അത്ലൂരിയെ ഓടിച്ചിട്ട് തല്ലുന്ന വീഡിയോയാണ് താരം പങ്കുവച്ചിരിക്കുന്നത്. കുട വച്ചാണ് കീര്‍ത്തി വെങ്കിയെ തല്ലുന്നത്.

Also Read: 'ത്രില്ലര്‍ ബോയ്സ് വീണ്ടും'; അഞ്ചാം പാതിര ടീം വീണ്ടുമെത്തുന്നു

കഴിഞ്ഞ ദിവസം സിനിമാസെറ്റില്‍ ചിത്രീകരണത്തിനിടെ കിടന്നുറങ്ങുന്ന കീര്‍ത്തിയുടെ ചിത്രം നിഥിനും വെങ്കിയും ചേര്‍ന്ന് പകര്‍ത്തിയിരുന്നു. ഇത് സോഷ്യല്‍ മീഡിയയില്‍ പങ്കുവെക്കുകയും ചെയ്തു. പിന്നാലെ ഈ ചിത്രം പങ്കുവച്ച് കീര്‍ത്തിയുമെത്തി. ഇനി മേലാല്‍ സെറ്റില്‍ കിടന്നുറങ്ങില്ല. തന്റെ ചിത്രമെടുത്തവര്‍ക്കെതിരെ പ്രതികാരം ചെയ്യുമെന്നുമായിരുന്നു കീര്‍ത്തി പറഞ്ഞത്.

Also Read: അന്നം നൽകുന്നവ‍രെ മറക്കരുത്; തണുപ്പും കൊറോണയും അവഗണിച്ച് അവർ സമരത്തിലാണെന്ന് കാർത്തി

ഇതിന് പിന്നാലെയാണ് സംവിധായകനെ ഓടിച്ചിട്ട് തല്ലുന്ന വീഡിയോ കീര്‍ത്തി പങ്കുവച്ചത്. ഒരാളെ വീഴ്ത്തി. ഇനി ഒരാള്‍ കൂടിയുണ്ടെന്നാണ് കീര്‍ത്തി പറയുന്നത്. അടുത്തത് നടന്‍ നിഥിനാണെന്ന് വ്യക്തം. താന്‍ കാത്തിരിക്കുകയാണെന്ന് നിഥിന്‍ മറുപടി നല്‍കുന്നുണ്ട് കമന്റിലൂടെ. വീഡിയോ സോഷ്യല്‍ മീഡിയയില്‍ വെെറലായി മാറുകയാണ്.