അന്ന് മേനക പറഞ്ഞത്
സോഷ്യല്‍ മീഡിയയിലൂടെ വാര്‍ത്തകള്‍ പ്രചരിച്ചതോടെ അന്ന് വിശദീകരണവുമായി രംഗത്തെത്തിയ മേനക പറഞ്ഞത് ഇങ്ങനെയാണ്. ലോക് സഭാ ഇലക്ഷന്‍റെ ഭാഗമായി കീർത്തിയുടെ അച്ഛൻ സുരേഷ് കുമാര്‍ പ്രചാരണത്തിനായി ഇറങ്ങിയിരുന്നു. ബിജെപിയുടെ പ്രചാരണാ‍ർഥം അദ്ദേഹം ദില്ലിയിലേക്കും പോയിരുന്നു. ക്യാംപയിനിങ്ങിന് ശേഷം താരങ്ങളെല്ലാം പ്രധാനമന്ത്രിക്കൊപ്പം ചിത്രങ്ങളെടുക്കുന്ന കൂട്ടത്തിൽ തങ്ങളും ആ ഗ്രൂപ്പ് ഫോട്ടോയിൽ പെടുകയായിരുന്നു. ആ ചിത്രമാണ് സോഷ്യൽമീഡിയയിലൂടെ പ്രചരിക്കുകയുണ്ടായത്, മേനകയുടെ വാക്കുള്‍ ഇങ്ങനെയായിരുന്നു.
കീര്‍ത്തിയുടെ താല്‍പര്യം
ആ ചിത്രം സോഷ്യല്‍ മീഡിയയിലൂടെ വൈറലായി മാറിയതിന് പിന്നാലെ സോഷ്യൽമീഡിയ നടിക്ക് പിന്നാലെയായി. അമ്മയും അച്ഛനും ബിജെപി ചായ്‍വ് ഉള്ളവരായാൽ മകളും അതേ രാഷ്ട്രീയത്തിലേക്കെത്തുമെന്ന് അന്ന് പ്രചരിച്ചു. പക്ഷേ കുടുംബപരമായി ബിജെപി ചായ്‍വുള്ളവരാണെങ്കിലും കീര്‍ത്തി ഇതുവരെ അത്തരത്തിലൊരു താല്‍പര്യവും പ്രകടിപ്പിച്ചില്ലെന്നും അന്ന് മേനക പറയുകയുണ്ടായി.
Also Read: മറ്റൊരമ്മയിൽ പിറന്ന സഹോദരന് ഹൃദയം തൊടുന്ന ആശംസ നൽകി അനുശ്രീ!
സിനിമയും രാഷ്ട്രീയവും
സിനിമാ താരങ്ങള്‍ രാഷ്ട്രീയത്തില്‍ പ്രവേശിക്കുക എന്നത് സര്‍വ്വ സാധാരണമാണ്, തമിഴ്, തെലുങ്ക് സിനിമാ ഇൻഡസ്ട്രികളിൽ പ്രത്യേകിച്ചും. മലയാളത്തിൽ നടന്‍ ഗണേഷ് കുമാര്‍, മുകേഷ്, ഇന്നസെന്‍റ്, സുരേഷ് ഗോപി തുടങ്ങി നിരവധി താരങ്ങള്‍ രാഷ്ട്രീയ പ്രവേശനം നടത്തിയിട്ടുണ്ട്, തിരഞ്ഞെടുപ്പില്‍ മത്സരിച്ചിട്ടുമുണ്ട്. ഓരോരുത്തര്‍ക്കും അവരുടെ രാഷ്ട്രീയം പിന്തുണയ്ക്കാൻ സ്വാതന്ത്ര്യവുമുണ്ടല്ലോ.
കൈനിറയെ സിനിമകള്‍
തെലുങ്കിൽ മഹാനടി എന്ന സിനിമയിൽ അഭിനയിച്ചതിന് പിന്നാലെ നിരവധി അവസരങ്ങളാണ് കീര്‍ത്തിയെ തേടിയെത്തിയിരുന്നത്. കൈനിറയെ സിനിമകളുമായി താരപുത്രി മുന്നേറുന്നതിനിടയിലാണ് രാഷ്ട്രീയത്തിലേക്കിറങ്ങുകയാണെന്ന വാര്‍ത്തകളും പ്രചരിക്കുന്നത്. താരങ്ങളില്‍ പലരും രാഷ്ട്രീയ നിലപാടുകള്‍ പരസ്യമായി വ്യക്തമാക്കുന്ന സമയമായതിനാൽ തന്നെ കീര്‍ത്തിയും ഇത് തുറന്ന് പറയുന്ന സമയം ആഗതമാകുമെന്ന് കരുതാം. വിജയ്ക്കൊപ്പം സർക്കാറിൽ ഒരുമിച്ച കീർത്തി രജിനികാന്തിനൊപ്പമാണ് അടുത്തതായി അഭിനയിക്കാൻ ഒരുങ്ങുന്നത്.
Also Read: ഇതിന് വേണ്ടിയാണോ മീശ കളഞ്ഞത്; ശ്രീനിയോട് ചോദ്യവുമായി ആരാധകർ!