'മുന്തിരി ഹെൽമെറ്റ്' വെച്ച് ലെന; കിട്ടാത്ത മുന്തിരി പുളിക്കുമെന്ന് ആരാധകർ

മലയാളത്തിലെ ബോൾഡ് നായികമാരായി കണക്കപ്പെടുന്ന നായികമാരിൽ മുന്നിലുള്ള താരമാണ് നടി ലെന. ടിവി അവതാരികയായി തുടങ്ങി ഓമനത്തിങ്കൾ പക്ഷി, ഓഹരി എന്നീ പരമ്പരകളിലൂടെയാണ് താരം അഭിനയലോകത്തെത്തിയത്. പിന്നീട് സ്നേഹം എന്ന ജയരാജ് ചിത്രത്തിലൂടെ മലയാള സിനിമയിലേക്ക് ചുവടുവെയ്ക്കുകയായിരുന്നു. ലെന ഇന്ന് മലയാള സിനിമയുടെ അവിഭാജ്യ ഘടകമാണ്. ഏത് പ്രായത്തിലുള്ള വേഷവും വിശ്വാസയോഗ്യമാം വിധം അഭിനയിച്ച് പ്രതിഫലിപ്പിക്കാൻ കഴിയുന്ന നടിമാരുടെ കൂട്ടത്തിൽ തന്നെയാണ് താരവും.

Also Read: നൃത്തച്ചുവടുകളുമായി പള്ളീലച്ചനായി ലാൽ; രസിപ്പിച്ച് 'അൽ മല്ലു'വിലെ പാട്ട്

ഇപ്പോഴിതാ താരം ഇൻസ്റ്റയിൽ പങ്കുവെച്ചിരിക്കുന്ന പുതിയ ചിത്രവും വീഡിയോയുമൊക്കെ ഏറെ വൈറലായിരിക്കുകയാണ്. കുമളി ലോവർ ക്യാംപിലെ മുന്തിരി തോട്ടത്തിൽ നിന്നുള്ളവയാണിവ. നമുക്കു പാർക്കാൻ മുന്തിരിത്തോപ്പുകൾ എന്ന ചിത്രത്തിലെ നമുക്ക് ഗ്രാമങ്ങളിൽ ചെന്ന് രാപ്പാർക്കാം...എന്ന ഡയലോഗ് പങ്കുവെച്ചുകൊണ്ടാണ് മുന്തിരി തോട്ടത്തിനിടയിൽ നിന്നുള്ള താരത്തിന്‍റെ വീഡിയോ വന്നിരിക്കുന്നത്.

Also Read: 'റാമി'ൽ മോഹൻലാലിന് വേറിട്ട ലുക്ക്; ലൊക്കേഷൻ ചിത്രം പുറത്ത്

അത് കൂടാതെ മുന്തിരികുല തലയിൽ വെച്ചുകൊണ്ടുള്ള ഒരു ചിത്രവും താരം പങ്കുവെച്ചിട്ടുണ്ട്. നിരവധി കമന്‍റുകളാണ് ഈ ചിത്രത്തിന് ലഭിച്ചിരിക്കുന്നത്. കിട്ടാത്ത മുന്തിരി പുളിക്കും, മുന്തിരി പുഞ്ചിരി, മുന്തിരി പാടം പൂത്തു നിക്കണ മുറ്റത്തു കൊണ്ടോവാം.., പാവങ്ങളുടെ ലസിത് മലിംഗ, മുന്തിരി ഹെൽമറ്റ് തുടങ്ങി നിരവധി കമന്‍റുകളാണ് ചിത്രത്തിന് ലഭിച്ചുകൊണ്ടിരിക്കുന്നത്.

ഈ വർഷം നിരവധി സിനിമകളാണ് ലെനയുടേതായി പുറത്തിറങ്ങാനിരിക്കുന്നത്. മേപ്പടിയാൻ, അന്വേഷണം, ബ്ലാക്ക് കോഫി, ഒരു രാത്രി ഒരു പകൽ, സാജൻ ബേക്കറി സിൻസ് 1962, ആടുജീവിതം തുടങ്ങി നിരവധി ചിത്രങ്ങളാണ് 2020-ൽ പുറത്തിറങ്ങാനായിരിക്കുന്നത്.



Also Watch :