35 വര്‍ഷങ്ങള്‍ക്ക് ശേഷം ഒരൊത്തുകൂടൽ; ഓർമ്മ ചിത്രം പങ്കുവെച്ച് ലിസി

നീണ്ട 35 വര്‍ഷങ്ങള്‍ക്ക് ശേഷം ഒരേ ഫ്രെയിമില്‍ സംവിധായകന്‍ ജോഷിക്കും നടി നാദിയ മൊയ്തുവിനോടുമൊപ്പം വരാനായതിന്‍റെ സന്തോഷം പങ്കുവെച്ചിരിക്കുകയാണ് നടി ലിസി. മണിയന്‍പിള്ള രാജുവിന്‍റെ മകന്‍ സച്ചിന്‍റെ വിവാഹ വിരുന്നിലാണ് ഇവര്‍ വീണ്ടും കണ്ടുമുട്ടിയിരിക്കുന്നത്.

Also Read: 31 കടന്ന് ടൊവിനോ; അപ്പു മുതൽ ലൂക്ക വരെ ടൊവിയുടെ കിടിലൻ കഥാപാത്രങ്ങൾ!

വിവാഹ ചടങ്ങിനിടെ പകര്‍ത്തിയ ചിത്രവും 35 വര്‍ഷം മുമ്പ് ‘ഒന്നിങ്ങു വന്നെങ്കില്‍’ എന്ന സിനിമയുടെ ലൊക്കേഷനില്‍ നിന്നു പകര്‍ത്തിയ ചിത്രവും ലിസി സോഷ്യൽമീഡിയയിൽ പങ്കുവെച്ചിരിക്കുകയാണ്.

‘അന്നും ഇന്നും, ജോഷി സാറിനെ വര്‍ഷങ്ങള്‍ക്ക് ശേഷമാണ് കണ്ടുമുട്ടിയത്. മണിയന്‍പിള്ള രാജു ചേട്ടന്‍റെ മകന്‍റെ വിവാഹ സത്ക്കാരത്തില്‍ വെച്ചാണ് അദ്ദേഹത്തെ ഇപ്പോള്‍ കാണാനായത്. നാദിയയേയും ജോഷി സാറിനേയും ഇതിനുമുമ്പ് ഒരുമിച്ച് കണ്ടത് 35 വര്‍ഷത്തിന് മുമ്പ് ഒന്നിങ്ങു വന്നെങ്കില്‍ എന്ന സിനിമയുടെ സെറ്റിൽ വെച്ചായിരുന്നു’ ചിത്രം പങ്കുവെച്ചുകൊണ്ട് ലിസി കുറിച്ചിരിക്കുകയാണ്.


Also Read: 'ഹോട്ട്' ആണെന്ന് അളുകള്‍ പറയുന്നത് ഇഷ്ടമല്ല: നമിത പ്രമോദ്

1985-ൽ കലൂർ ഡെന്നിസ് ഒരുക്കിയ തിരക്കഥയിൽ ജോഷി സംവിധാനം ചെയ്ത് പുറത്തിറങ്ങിയ ചിത്രമാണ് ഒന്നിങ്ങു വന്നെങ്കിൽ മമ്മൂട്ടിയും ശങ്കറുമായിരുന്നു സിനിമയിലെ നായകന്മാർ.

Also Watch :