ജീവിതത്തോട് നൂറ് മടങ്ങ് പ്രണയം
കാന്‍സര്‍ പല തവണ നഷ്ടപ്പെടുമെന്ന് കരുതിയ സാഹചര്യത്തില്‍ നിന്നും തിരിച്ചു പിടിച്ച ജീവിതത്തോട് നൂറ് മടങ്ങ് പ്രണയമാണെന്ന് മംമ്ത പറയുന്നു.
കാന്‍സറിനെ കുറിച്ച് മംമ്ത
രാജീവ് ഗാന്ധി സെന്റര്‍ ഫോര്‍ ബയോടെക്നോളജി നടത്തിയ അസോസിയേഷൻ ഓഫ് കാന്‍സര്‍ റിസര്‍ച്ചിന‍്റെ വാര്‍ഷിക സമ്മേളനത്തില്‍ സംസാരിക്കുകയായിരുന്നു മംമ്ത.
11 വര്‍ഷം മുമ്പ്, അന്ന് പ്രായം 24
സിനിമയില്‍ നല്ല തിരക്കുള്ളപ്പോഴായിരുന്ന കാന്‍സര്‍ ബാധിക്കുന്നത്. 11 വര്‍ഷം മുമ്പ്. അന്ന് പ്രായം 24 ആയിരുന്നു. അര്‍ബുദം പൂര്‍ണമായി ചികിത്സിച്ച ഭേദമാക്കാനാകുന്ന ചികിത്സാ രീതികള്‍ വികസിപ്പിക്കുന്നതിന് മുമ്പ് ജീവന്‍ നഷ്ടപ്പെട്ടവരെ കുറിച്ച് പലപ്പോഴും ചിന്തിക്കാറുണ്ടായിരുന്നുവെന്നും മംമ്ത പറഞ്ഞു.
ജീവന്‍ നഷ്ടപ്പെട്ട വ്യക്തികളെ ഓര്‍ക്കുന്നു
കാന്‍സറിനോട് മല്ലിട്ടു ജീവന്‍ നഷ്ടപ്പെട്ട വ്യക്തികളെ ഓര്‍ക്കുന്നു. എത് തരത്തിലുള്ള കാന്‍സറും ഭേദമാക്കാനാവുന്നതാണെന്നും മംമ്ത കൂട്ടിച്ചേര്‍ത്തു.
റിലീസിനൊരുങ്ങി ഫോറന്‍സിക്
മംമ്തയുടെ ഏറ്റവും പുതിയ ചിത്രമായ ഫോറന്‍സിക് റിലീസിന് തയ്യാറെടക്കുകയാണ്. ടൊവീനോ തോമസ് ആണ് ചിത്രത്തിലെ നായകന്‍. കുറ്റാന്വേഷണ കഥ പറയുന്ന ചിത്രത്തില്‍ പോലീസ് ഉദ്യോഗസ്ഥയായാണ് മംമ്ത എത്തുന്നത്.