പേടിച്ചാണ് എട്ട് എടുത്തത്! പരിചയത്തിന്റെ പേരിൽ ഇളവ് വേണ്ടെന്ന് തീരുമാനിച്ചിരുന്നു! ഉറക്കം പോലും നഷ്ടമായ ദിനങ്ങളെക്കുറിച്ച് മഞ്ജു വാര്യരുടെ വാക്കുകൾ

മലയാളത്തിന്റെ സ്വന്തം ലേഡി സൂപ്പർസ്റ്റാർ മഞ്ജു വാര്യരുടെ വിശേഷങ്ങൾ പെട്ടന്ന് തന്നെ ശ്രദ്ധിക്കപ്പെടാറുണ്ട്. തുനിവ് ചിത്രീകരണത്തിനിടെ അജിത്തിനും ടീമിനുമൊപ്പം ബൈക്ക് യാത്ര നടത്തിയതിനെക്കുറിച്ച് താരം വാചാലയായിരുന്നു. എല്ലാവിധ സുരക്ഷ സംവിധാനവും ഒരുക്കിയതിന് ശേഷമായിരുന്നു യാത്ര. ബൈക്ക് യാത്രയെക്കുറിച്ച് അജിത്ത് ആദ്യം പറഞ്ഞപ്പോൾ സന്തോഷമായിരുന്നു. തമാശയ്ക്ക് ചോദിച്ചതായിരിക്കുമോ എന്ന ആശങ്ക മനസിലുണ്ടായെങ്കിലും അത് ചോദിച്ചില്ലെന്ന് താരം വ്യക്തമാക്കിയിരുന്നു. ഇപ്പോഴിത് ബൈക്ക് ലൈസൻസ് എടുത്ത സമയത്ത് അനുഭവിച്ച മാനസിക സംഘർഷങ്ങളെക്കുറിച്ച് പറഞ്ഞെത്തിയിരിക്കുകയാണ് താരം. ഏഷ്യാനെറ്റ് ന്യൂസിന് നൽകിയ അഭിമുഖത്തിലായിരുന്നു വിശേഷങ്ങൾ പങ്കുവെച്ചത്.