എപ്പോഴാണ് ഡാന്‍സ് പ്രാക്ടീസിന് പോവുന്നതെന്ന് ചോദിക്കും! കാണാന്‍ മുന്നിലുണ്ടാവും! അമ്മയെക്കുറിച്ച് മഞ്ജു വാര്യര്‍

യുവജനോത്സവത്തിലൂടെയായി ശ്രദ്ധ നേടി സിനിമയിലെത്തിയവരേറെയാണ്. അവരിലൊരാളാണ് മഞ്ജു വാര്യരും. കുട്ടിക്കാലം മുതലേ തന്നെ നൃത്തം അഭ്യസിച്ചിരുന്നു. ആദ്യം ചേട്ടനെയാണ് ഡാന്‍സിന് ചേര്‍ത്തത്. ചേട്ടന്‍ നിര്‍ത്തിയപ്പോഴും ഞാന്‍ ഡാന്‍സ് പഠിക്കുന്നുണ്ടായിരുന്നു. ദ ക്യൂവിന് നല്‍കിയ അഭിമുഖത്തിലായിരുന്നു മഞ്ജു വാര്യര്‍ വിശേഷങ്ങള്‍ പങ്കുവെച്ചത്. ഇടയ്‌ക്കൊരു ഗ്യാപ്പെടുത്തതിന് ശേഷം ഒന്നില്‍ നിന്നും തുടങ്ങിയതാണ്. ആ സമയത്താണ് ഞാന്‍ ഗീത ടീച്ചറിനെ പരിചയപ്പെട്ടത്. കുച്ചിപ്പുഡി ബേസിക്‌സ് തൊട്ട് ഒന്നില്‍ നിന്നും പഠിക്കുകയാണ് ചെയ്തത്. പണ്ടൊക്കെ പ്രാക്ടീസ് ചെയ്യാന്‍ അമ്മ നിര്‍ബന്ധിക്കാറുണ്ടായിരുന്നു. ഇപ്പോള്‍ ഞാന്‍ എനിക്ക് വേണ്ടി തന്നെ ചെയ്യുകയായിരുന്നു. കൊവിഡ് സമയത്ത് വീണ വായിച്ചത് വീഡിയോയാക്കി പോസ്റ്റ് ചെയ്തതാണ്. വീട്ടില്‍ എല്ലാവരുമുള്ളപ്പോള്‍ വെറുതെ എടുത്ത് വായിക്കാറുണ്ട്.
അച്ഛനും അമ്മയ്ക്കും കലയോട് ഭയങ്കര താല്‍പര്യമായിരുന്നു. അമ്മയുടെ അച്ഛന്‍ സ്ട്രിക്ടായത് കൊണ്ട് അമ്മയ്ക്ക് ഡാന്‍സ് പഠിക്കാന്‍ പറ്റിയില്ല. മക്കളുണ്ടായപ്പോള്‍ രണ്ടാളേയും പഠിപ്പിക്കാന്‍ വിട്ടു. എനിക്ക് ഓര്‍മ്മയില്ല എപ്പോഴാണ് എന്നെ ഡാന്‍സ് സ്‌കൂളില്‍ ചേര്‍ത്തതെന്ന്. ഡാന്‍സ് ജീവിതത്തിന്റെ ഭാഗമായി മാറുകയായിരുന്നു. എപ്പോഴാണ് ഡാന്‍സ് ക്ലാസിന് പോവുന്നതെന്നാണ് അമ്മ ഇപ്പോഴും ചോദിക്കാറുള്ളത്. അച്ഛനുണ്ടായിരുന്നപ്പോള്‍ ഷൂട്ടിംഗ് സ്ഥലത്തേക്കൊന്നും വരാറില്ല. ഡാന്‍സ് പ്രോഗ്രാമുണ്ടെങ്കില്‍ മുന്നില്‍ അവരുണ്ടാവും. സിനിമയുമായി ബന്ധപ്പെട്ട പരിപാടികള്‍ക്ക് വിളിച്ചാലും അവര്‍ വരാറില്ല.
ഡിസംബര്‍ മാസം മുഴുവനും യാത്രയുടേതായിരുന്നു. ഇസ്രയേലില്‍ ഒരു പരിപാടിയുണ്ടായിരുന്നു. അത് യാത്രയായി ഞങ്ങള്‍ ആസ്വദിച്ചു. ചാക്കോച്ചനും പ്രിയയുമാണ് റോമിലേക്ക് പോവാനിരുന്നത്. അതേക്കുറിച്ച് സംസാരിച്ചപ്പോഴാണ് എന്നാല്‍ പിന്നെ ഞങ്ങളും എന്ന് പറഞ്ഞ് പോയത്. ഒരാഴ്ച ഇടയ്ക്ക് ദുബായിലുണ്ടായിരുന്നു. അപ്പോള്‍ അമ്മയൊക്കെ വന്നിരുന്നു. അത് നല്ലൊരു അനുഭവമായിരുന്നു എന്നാണ് യാത്രകളെക്കുറിച്ച് ചോദിച്ചപ്പോള്‍ മഞ്ജു വാര്യര്‍ പറഞ്ഞത്.