പൊങ്കൽ ആഘോഷം മകൾക്കൊപ്പം; ചിത്രങ്ങളുമായി നടി മന്യ
ന്യൂയോർക്കിലെ പൊങ്കൽ
ഭര്ത്താവിനും മകള്ക്കും ഒപ്പം അമേരിക്കയിലാണ് താരമിപ്പോള്. അവിടെ ഫിനാന്ഷ്യല് അനലിസ്റ്റായി ജോലി നോക്കുകയാണ് താരം. ന്യൂയോർക്കിലെ പൊങ്കൽ ആഘോഷചിത്രം താരം പങ്കുവെച്ചിരിക്കുന്നത് ഹാൻഡ് പ്രിന്റഡ് കോട്ടൺ സാരിയുടുത്തുകൊണ്ടാണ്. ശ്രീകൃഷ്ണൻ ഓടക്കുഴലൂതി നിൽക്കുന്ന ചിത്രമാണ് സാരിയിലുള്ളത്.
ഹാപ്പി സങ്ക്രാന്തി
പൊങ്കൽ ദിനമായ ചൊവ്വാഴ്ച ഹാപ്പി സങ്ക്രാന്തി എന്നുപറഞ്ഞുകൊണ്ടുള്ള വീഡിയോയും ചിത്രങ്ങളും താരം പങ്കുവെച്ചിരിക്കുകയാണ്. ഒപ്പം മകളും മറ്റൊരു കുട്ടിയുമുണ്ട്. പിങ്ക് വസ്ത്രങ്ങളണിഞ്ഞുള്ള ചിത്രങ്ങൾ വൈറലായിരിക്കുകയാണ്
മകൾ ഒമിഷ്ക മന്യയുടെ എല്ലാം
മകൾ ഒമിഷ്കയും ഒത്തുള്ള ചിത്രങ്ങളാണ് മന്യ കൂടുതലും പങ്കുവയ്ക്കാറുള്ളത്. കഴിഞ്ഞ ദിവസം മകളുടെ നാലാം പിറന്നാൾ ദിനത്തിൽ വാൾട്ട് ഡിസ്നി വേൾഡിൽ പോയ ചിത്രങ്ങളും താരം പങ്കുവെച്ചിരുന്നു. അതിസുന്ദരിയായിട്ടായിരുന്നു ചിത്രങ്ങളിൽ മന്യ.
ഇംഗ്ലണ്ടിൽ പിറന്നു, ഇന്ത്യയിലെത്തി
ഇംഗ്ലണ്ടിൽ ഡോക്ടറായിരുന്ന പ്രഹ്ളാദൻ-പദ്മിനി ദമ്പതികളുടെ മകളായിട്ടായിരുന്നു മന്യയുടെ ജനനം. ഒമ്പതാം വയസ്സിൽ ആന്ധ്രാപ്രദേശിലെത്തി. അഞ്ജന എന്നൊരു സഹോദരിയും താരത്തിനുണ്ട്. 2008-ൽ സത്യ പട്ടേലിനെ താരം വിവാഹം കഴിച്ചു. പക്ഷേ ഇരുവരും പിന്നീട് വിവാഹമോചിതരായി. 2013-ൽ വികാസ് ബാജ്പേയിയെ വിവാഹം ചെയ്തു.
നാൽപതിലേറെ സിനിമകൾ
14-ാം വയസ്സിലാണ് മന്യ മോഡലിംഗ് രംഗത്തേക്ക് എത്തിയത്. ശേഷം മാത്സ്, സ്റ്റാറ്റിറ്റിക്സ് വിഷയങ്ങളിൽ ബിരുദമെടുത്ത താരം കൊളമ്പിയ സർവ്വകലാശാലയിൽ നിന്ന് എംബിഎ പൂർത്തിയാക്കി. അതിനൊപ്പം അഭിനയത്തിലുമെത്തിയ താരം തമിഴ്, തെലുങ്ക്, മലയാളം, കന്നഡ ഭാഷകളിലായി ഇതിനകം നാൽപതിലേറെ സിനിമകളിൽ അഭിനയിച്ചിട്ടുണ്ട്.
ഇൻസ്റ്റ ലവർ
ഓരോ ദിവസവും കുടുംബത്തോടൊപ്പമുള്ള നിമിഷങ്ങൾ താരം ഇൻസ്റ്റയിൽ പങ്കുവയ്ക്കാറുണ്ട്. പതിമൂവായിരത്തിലേറെ ഫോളോവേഴ്സ് താരത്തിനുണ്ട്. മകളെ ജീവനായ മന്യ കൂടുതൽ പങ്കുവയ്ക്കുന്ന ചിത്രങ്ങളും മകൾഒമിഷ്കയ്ക്ക് ഒപ്പമുള്ളതാണ്.