ചിരുവാണ് ആദ്യം ഇഷ്ടം പറഞ്ഞത്! 9 വർഷത്തെ പ്രണയത്തിന് ശേഷമായിരുന്നു വിവാഹം! ഇനിയൊരു വിവാഹം വേണ്ടേയെന്ന് ചോദിച്ചവർക്ക് മേഘ്ന രാജ് നൽകിയ മറുപടി?

17ാമത്തെ വയസിലായിരുന്നു ഞാന്‍ അഭിനയിച്ച് തുടങ്ങിയത്. സിനിമയിലെത്തുന്നതിന് മുന്‍പേ എനിക്ക് ചിരുവിനെ അറിയാമായിരുന്നു. ഞങ്ങള്‍ക്കിടയില്‍ കോമണ്‍ സുഹൃത്തുക്കളുണ്ടായിരുന്നു. ഒരു പരിപാടിയില്‍ വെച്ചാണ് ഞങ്ങള്‍ ആദ്യം സംസാരിച്ചത്. വളര്‍ന്നുവരുന്ന താരങ്ങളെന്ന നിലയില്‍ ഞങ്ങളെല്ലാം ആ ചടങ്ങില്‍ പെര്‍ഫോം ചെയ്തിരുന്നു. അമ്മയും എനിക്കൊപ്പമുണ്ടായിരുന്നു. ഞാനൊരു ചുവന്ന ഗൗണായിരുന്നു ധരിച്ചത്. ഇതാണ് ചിരു, അര്‍ജുന്‍ അങ്കിളിന്റെ നെവ്യൂ എന്ന് പറഞ്ഞായിരുന്നു ചിരുവിനെ പരിചയപ്പെടുത്തിയത്. ഷേക്ക് ഹാന്‍ഡ് കൊടുത്തപ്പോള്‍ ചിരു എന്റെ കൈ വിടുന്നുണ്ടായിരുന്നില്ല. കൈ കുലുക്കി സംസാരിക്കുകയായിരുന്നു ചിരു. അമ്മയും ഇത് കാണുന്നുണ്ടായിരുന്നു. മുടിയൊക്കെ സെറ്റാക്കി അദ്ദേഹം നടന്നുപോയ കാഴ്ച ഇപ്പോഴും മനസിലുണ്ടായിരുന്നു.

ഇത് തന്നെയാണ് എന്റെ പുരുഷനെന്ന് തുടക്കത്തിലേ തോന്നിയിരുന്നു. ചിരുവിനും ഇതേ ഫീലിംഗ്‌സ് മനസിലുണ്ടായിരുന്നു. സുഹൃത്തുക്കളായിരുന്ന സമയത്ത് ഞങ്ങള്‍ക്ക് രണ്ടാള്‍ക്കും അത് അറിയാമായിരുന്നു. ഞാന്‍ കേരളത്തില്‍ നിന്നും ബാംഗ്ലൂരിലേക്ക് തിരിച്ചെത്തിയത് അറിയിച്ചിരുന്നില്ല. തിരിച്ചുവന്ന കാര്യം എന്താണ് പറയാതിരുന്നതെന്നായിരുന്നു ചോദിച്ചത്. അദ്ദേഹത്തിന്റെ പൊസസീവ്‌നെസ് മനസിക്കിയ നിമിഷമായിരുന്നു. ഞാനെന്തിനാണ് അതേക്കുറിച്ച് പറയുന്നതെന്ന് ചോദിച്ചപ്പോള്‍ എനിക്ക് നിന്നെ ഇഷ്ടമാണെന്നായിരുന്നു അദ്ദേഹത്തിന്റെ റിപ്ലൈ. ആ മെസ്സേജ് കണ്ടതും ഞാന്‍ സ്റ്റക്കായിപ്പോയെന്ന് മേഘ്‌ന പറയുന്നു.

ഉള്ളില്‍ യെസ് എന്ന മറുപടിയായിരുന്നുവെങ്കിലും പെട്ടെന്ന് ഞാന്‍ പിടികൊടുത്തിരുന്നില്ല. മറുപടി പറയാന്‍ എനിക്ക് സമയം വേണമെന്നായിരുന്നു ഞാന്‍ പറഞ്ഞത്. ആദ്യ മലയാള സിനിമയുടെ ചിത്രീകരണത്തിനായി കേരളത്തിലേക്ക് വന്ന സമയമായിരുന്നു. ക്രിസ്മസ് ദിനത്തിലായിരുന്നു ഞാന്‍ ഇഷ്ടമാണെന്ന് അറിയിച്ചത്. 9 വര്‍ഷത്തോളം പ്രണയിച്ചാണ് ഞങ്ങള്‍ കല്യാണം കഴിച്ചത്. പ്രണയം പെട്ടെന്നൊന്നും വീട്ടില്‍ പറയാനാവുമായിരുന്നില്ല അന്ന്. ചിരുവാണ് അമ്മയോട് വിവാഹത്തെക്കുറിച്ച് പറഞ്ഞത്.

റയാന് അച്ഛനും അമ്മയുമാണ് ഞാന്‍. സ്‌കൂളില്‍ പോവുമ്പോള്‍ കുട്ടികള്‍ അവനോട് അച്ഛനെക്കുറിച്ച് ചോദിച്ചേക്കാം. അവര്‍ക്കറിയിലില്ലല്ലോ ചിരുവിനെക്കുറിച്ച്. ഞാന്‍ നല്ല അമ്മയാവാനാണ് ശ്രമിക്കുന്നത്. അച്ഛനെക്കുറിച്ച് ഞാനെപ്പോഴും പറഞ്ഞുകൊടുക്കാറുണ്ട്. ഞങ്ങളൊന്നിച്ചുള്ള ഫോട്ടോസും വീഡിയോയുമെല്ലാം കാണിച്ച് കൊടുക്കാറുണ്ട്. ടിവിയില്‍ ചിരുവിനെ കാണുമ്പോഴെല്ലാം അപ്പ എന്നവന്‍ പറയാറുണ്ട്. ഇനിയൊരു വിവാഹം വേണ്ടേ എന്നൊക്കെ ചിലർ ചോദിച്ചിരുന്നു. മകനൊപ്പം സന്തോഷത്തോടെ കഴിയാനാണ് താനാഗ്രഹിക്കുന്നതെന്ന മറുപടിയാണ് അവരോട് പറയാനുള്ളതെന്നും മേഘ്ന പറയുന്നു.