അശ്വിൻ്റെ കൈ ചേർത്തുപിടിച്ച് മിയ; വിവാഹ നിശ്ചയ വീഡിയോ ശ്രദ്ധ നേടുന്നു!

രാജകീയമായ പീച്ച് നിറത്തിലുള്ള ലെഹങ്കയായിരുന്നു മിയ വിവാഹ നിശ്ചയ ചടങ്ങിൽ ധരിച്ചിരുന്നത്. അതേസമയം അശ്വിൻ ധരിച്ചിരുന്നത് വെളുത്ത നിറത്തിലുള്ള ഷർട്ടും നെഹ്റു ജാക്കറ്റുമായിരുന്നു. ഇരുവരും അടുത്ത മാസം വിവാഹിതനാകാൻ ഒരുങ്ങുകയാണെന്ന് റിപ്പോർട്ടുകളിൽ വ്യക്തമാണെങ്കിലും അത് ഏത് ദിവസമാണെന്ന് അറിയാനുള്ള കാത്തിരിപ്പിലാണ് ആരാധകരും.

കൊവിഡ് പശ്ചാത്തലത്തിൽ വളരെ ലളിതമായ ചടങ്ങിലായിരിക്കും മിയ വിവാഹിതയാകുക എന്നാണ് റിപ്പോർട്ടുകൾ സൂചിപ്പിക്കുന്നത്. വളരെ അടുത്ത ബന്ധുക്കളും കുടുംബ സുഹൃത്തുക്കളും മാത്രമേ വിവാഹത്തിനുണ്ടാകൂ എന്നാണ് ലഭിക്കുന്ന വിവരം. അടുത്തിടെ മിയ തൻ്റെ ഫിക്സേഷൻ്റെ വീഡിയോ പങ്കുവെച്ചിരുന്നു.

Also Read: തൂക്കം മുതൽ ഇഷ്ട ഭക്ഷണം വരെ; അപ്പുവിന്റേയും മിയയുടേയും മനഃപൊരുത്തം കണ്ട് ആരാധകർക്ക് സന്തോഷം!

അശ്വിന്റെ വീട്ടില്‍ വെച്ചായിരുന്നു വിവാഹം ഉറപ്പിക്കൽ ചടങ്ങുകൾ നടന്നിരുന്നത്. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ചടങ്ങിന്റെ ചിത്രങ്ങളും വീഡിയോകളും സോഷ്യൽ മീഡിയയിൽ വൈറൽ ആയിരുന്നു. വിവാഹ ഉറപ്പിക്കൽ ചടങ്ങിന് നടി മേക്കപ്പിട്ടത് പോലും തനിയെ ആയിരുന്നു. പ്രണയ വിവാഹമല്ലെന്നും മാട്രിമോണി വഴി വീട്ടുകാര്‍ പറഞ്ഞുറപ്പിച്ചതാണെന്നും മിയ വ്യക്തമാക്കിയിരുന്നു.

അശ്വിനെ കണ്ടെത്തിയത് അമ്മയാണ്. മാട്രിമോണി സൈറ്റില്‍ അശ്വിന്റെ ചിത്രം കണ്ട് ഇഷ്ടപ്പെട്ട ശേഷമാണ് അമ്മ തന്നെ ചിത്രം കാണിച്ചത്തെന്നും മിയ പറഞ്ഞിരുന്നു. ബാംഗ്ലൂരിലും ഇംഗ്ലണ്ടിലും പഠിച്ച അശ്വിന്‍ യുകെയിലും യുഎഇയിലും ബിസിനസ് ചെയ്തിരുന്നു. ശേഷമാണ് നാട്ടിൽ സെറ്റിൽഡാകുന്നത്.

തനിപാലാക്കാരിയായ മിയ മലയാളികളുടെ മുന്നിലെത്തുന്നത് ടെലിവിഷനിലൂടെയാണ്. അല്‍ഫോണ്‍സാമ്മ എന്ന സീരിയലിലൂടെയായിരുന്നു മിയയുടെ അരങ്ങേറ്റം. പിന്നീട് സിനിമയിലേക്ക് വഴി തുറക്കുകയായിരുന്നു. 'ഒരു സ്മോള്‍ ഫാമിലി' ആയിരുന്നു ആദ്യ ചിത്രം.