നടി മിയ ജോര്‍ജ് വിവാഹിതയാവുന്നു; വരന്‍ അശ്വിന്‍ ഫിലിപ്പ്

ആരാധകര്‍ക്ക് ഇതാ ഒരു സന്തോഷ വാര്‍ത്ത. മലയാള സിനിമാ ലോകത്ത് ഇനി കല്യാണത്തിന്റെ ഒരുക്കങ്ങള്‍. നടി മിയാ ജോര്‍ജ് വിവാഹിതയാവുന്നു. പുറത്ത് വരുന്ന റിപ്പോര്‍ട്ടുകള്‍ പ്രകാരം കൊച്ചി സ്വദേശിയായ അശ്വിന്‍ ഫിലിപ്പാണ് മിയയുടെ വരന്‍. വിവാഹ നിശ്ചയം കഴിഞ്ഞെന്നും സെപ്റ്റംബറിലായിരിക്കും വിവാഹം എന്നുമാണ് റിപ്പോര്‍ട്ടുകള്‍ പറയുന്നത്.

Also Read: 'എന്തൊക്കെ ചെയ്തിട്ടും ഒരു മെനയാകുന്നില്ലല്ലോ സജീ...!'; ഉശിരന്‍ മറുപടി നല്‍കി അനുശ്രീ

അശ്വിന്റെ വീട്ടില്‍ വച്ച് കഴിഞ്ഞ ദിവസമായിരുന്നു വിവാഹ നിശ്ചയ ചടങ്ങ് നടന്നത്. കണ്‍സ്ട്രക്ഷന്‍ കമ്പനി ഉടമാണ് അശ്വിന്‍. അതേസമയം വിവാഹ വാര്‍ത്തയോട് മിയ ഇതുവരേയും പ്രതികരിച്ചിട്ടില്ല.

പാലാക്കാരിയായ മിയ ടെലിവിഷനിലൂടെയാണ് മലയാളികളുടെ മുന്നിലെത്തുന്നത്. അല്‍ഫോണ്‍സാമ്മ എന്ന സീരിയലിലൂടെയായിരുന്നു അരങ്ങേറ്റം. പിന്നീട് സിനിമയിലെത്തുകയായിരുന്നു. ഒരു സ്മോള്‍ ഫാമിലിയായിരുന്നു ആദ്യ സിനിമ.

Also Read: ഇൻസ്റ്റയിൽ വൈറലായി റിമയുടെ ലോക്ക് ഡൗൺ സീരിസ്; ചിത്രങ്ങൾ പക‍ർത്തിയത് ആഷിഖ്
മികച്ച അഭിനേത്രിയാണെന്ന് തെളിയിച്ച മിയ വളരെ പെട്ടെന്നു തന്നെ മലയാളത്തിലെ മുന്‍ നിര നായികയായി മാറുകയായിരുന്നു. റെഡ് വെെന്‍, മെമ്മറീസ്, വിശുദ്ധന്‍, അനാര്‍ക്കലി, പാവാട, ബ്രേദേഴ്സ് ഡെ, ഡ്രെെവിങ് ലെെസന്‍സ് തുടങ്ങി നിരവധി ചിത്രങ്ങളില്‍ അഭിനയിച്ചിട്ടുണ്ട്. മലയാളത്തിന് പുറമെ മറ്റ് ഭാഷകളിലും അഭിനയിച്ചിട്ടുണ്ട്.