മൃദുലയുടെ ജീവിതത്തിലെ ഏറ്റവും വലിയ ദിവസത്തിന് സാക്ഷിയായ ത്രില്ലിൽ അമൃത സുരേഷ്!

അവതാരകയായും നടിയായും മിന്നിത്തിളങ്ങിയ താരമാണ് മൃദുല മുരളി.വളരെ ചെറുപ്പത്തിൽ തന്നെ അവതാരകയായി രംഗത്തെത്തിയ മൃദുല റെഡ് ചില്ലീസിലൂടെയാണ് അഭിനയ രംഗത്തേക്ക് കടക്കുന്നത്. താരം വിവാഹിതയാകാൻ പോകുന്ന വാർത്തയാണ് ഇപ്പോൾ പുറത്ത് വരുന്നത്.

സിനിമ രംഗത്ത് നിന്ന് തന്നെയുള്ള നിഥിൻ മാലിനി വിജയ് ആണ് മൃദുലയുടെ വരൻ. ഇരുവരും തമ്മിൽ പ്രണയം ആയിരുന്നതായിട്ടാണ് ഗായിക അമൃത സുരേഷിന്റെ സോഷ്യൽ മീഡിയ പോസ്റ്റ് സൂചിപ്പിക്കുന്നത്.

ALSO READ: നെറ്റിയിൽ സന്ദൂരമണിഞ്ഞു അതിസുന്ദരിയായി പേളി; സുന്ദരനായി ശ്രീനിയും; സൗന്ദര്യത്തിന്റെ രഹസ്യം തേടി ആരാധകർ!

ഏറ്റവും സന്തോഷകരമായ ദിവസങ്ങളിലൊന്ന് ... എന്റെപ്രിയ സുഹൃത്തും അവളുടെ ലവ്വുമായുള്ള വിവാഹ നിശ്ചയം കഴിഞ്ഞിരിക്കുന്നു. മൃദൂ 14 വർഷങ്ങളായി നമ്മളുടെ സൗഹൃദ്ബന്ധം . നിന്റെ മുഖത്തെ ചിരി കണ്ട് സന്തോഷം തോന്നുന്നു. ദൈവം നിങ്ങളെ എന്നും അനുഗ്രഹിക്കട്ടെ എന്നാണ് അമൃത ഇൻസ്റ്റയിൽ കുറിച്ചിരിക്കുന്നത്.അമൃതയ്‌ക്കൊപ്പം സഹോദരിയും ഗായികയുമായ അഭിരാമി സുരേഷും ചിത്രത്തിലുണ്ട്.


എൽസമ്മ എന്ന ആൺകുട്ടി, 10.30 എഎം ലോക്കൽ കോൾ തുടങ്ങിയ ചിത്രങ്ങളിലും മൃദുല അഭിനയിച്ചിട്ടുണ്ട്. ഫഹദ് ഫാസിലിന്റെ അയാൾ ഞാനല്ല എന്ന സിനിമയാണ് അവസാനമായി പുറത്തിറങ്ങിയ മൃദുലയുടെ ചിത്രം.