കാവ്യ മാധവനൊപ്പം പിറന്നാളാഘോഷിച്ച് മറ്റൊരു താരം കൂടി! നമിത പ്രമോദിന് ആശംസയുമായി ആരാധകര്‍

ബാലതാരമായി അരങ്ങേറ്റം കുറിച്ച് നായികമാരായി മാറിയവരേറെയാണ്. ടെലിവിഷനിലൂടെ തുടങ്ങി സിനിമയിലെത്തിയവരുമുണ്ട്. അത്തരത്തിലൊരാളാണ് നമിത പ്രമോദ്. വിവിധ പരമ്പരകളിലൂടെയായി ശ്രദ്ധ നേടിയ താരം ട്രാഫിക്കിലെ ബാലതാരമായാണ് സിനിമയില്‍ തുടക്കം കുറിച്ചത്. രാജേഷ് പിള്ള സംവിധാനം ചെയ്ത ട്രാഫിക്കില്‍ റഹ്മാന്റെയും ലെനയുടേയും മകളായി അഭിനയിച്ചത് നമിതയായിരുന്നു. പുതിയ തീരങ്ങളിലൂടെയായിരുന്നു നമിത നായികയായത്്. നിവിന്‍ പോളിക്ക് ശേഷം ദിലീപ്, കുഞ്ചാക്കോ ബോബന്‍, ദുല്‍ഖര്‍ സല്‍മാന്‍, ഫഹദ് ഫാസില്‍ തുടങ്ങിയവരുടെ നായികയാവാനുള്ള അവസരമായിരുന്നു നമിത പ്രമോദിന് ലഭിച്ചത്.

Also Read: വീണ്ടും കാക്കി അണിയാന്‍ പൃഥ്വി; കുറ്റാന്വേഷണ കഥയുമായി പൃഥ്വിരാജ്

ദിലീപിനൊപ്പമാണ് നമിത കൂടുതലും അഭിനയിച്ചിട്ടുള്ളത്. സൗണ്ട് തോമ, വില്ലാളിവീരന്‍, ചന്ദ്രേട്ടന്‍ എവിടെയാ, കമ്മാരസംഭവം ഈ സിനിമകളിലെല്ലാം ഇരുവരും ഒരുമിച്ച് അഭിനയിച്ചിരുന്നു. പ്രൊഫസര്‍ ഡിങ്കനാണ് ഇവരുടേതായി പുറത്തിറങ്ങാനുള്ള അടുത്ത ചിത്രം. മലയാളത്തിന് പുറമെ തമിഴിലും തെലുങ്കിലും നമിത തന്റെ സാന്നിധ്യം അറിയിച്ചിരുന്നു. കാവ്യ മാധവനൊപ്പം പിറന്നാളാഘോഷിക്കുന്ന നമിത പ്രമോദിനും ആശംസ അറിയിച്ച് ആരാധകരെത്തിയിട്ടുണ്ട്.

Also Read: നിങ്ങള്‍ മറ്റൊരാള്‍ക്ക് വരുത്തിയ നാശം നിങ്ങള്‍ക്കും സംഭവിക്കുന്നത് വരെ മനസിലാകില്ല: ഭാവനയുടെ കുറിപ്പ്

ദിലീപിന്റെ കുടുംബവുമായി അടുത്ത ബന്ധമാണ് നമിത പ്രമോദിനുള്ളത്. മീനാക്ഷിയുടെ ഏറ്റവും അടുത്ത കൂട്ടുകാരിലൊരാള്‍ കൂടിയാണ് നമിത. നാദിര്‍ഷയുടെ മകളും ഇവരുടെ അടുത്ത സുഹൃത്താണ്. മീനൂട്ടി തന്റ െബെസ്റ്റ് ഫ്രണ്ടാണെന്നായിരുന്നു നേരത്തെ നമിത പറഞ്ഞത്. ഇരുവരും ഒരുമിച്ചുള്ള ചിത്രങ്ങള്‍ ഇടയ്ക്ക് വൈറലായി മാറിയിരുന്നു. ദിലീപിന്റെ ജീവിതത്തിലെ നായികയും ഓണ്‍സ്‌ക്രീനിലെ നായികയും ഒരേ ദിവസമാണ് പിറന്നാളാഘോഷിക്കുന്നത്.