ആളൊരുത്തി അവളൊരുത്തി
ഒരുത്തീ എന്ന് പേരിട്ടിരിക്കുന്ന ചിത്രത്തിൻ്റെ ഷൂട്ടിങ് കൊച്ചിയിൽ പുരോഗമിക്കുകയാണ്. വികെ പ്രശാന്താണ് ചിത്രം സംവിധാനം ചെയ്യുന്നത്. തനി നാട്ടിൻപുറത്തു കാരിയായുള്ള നവ്യയുടെ ലുക്ക് ലൊക്കേഷനിൽ നിന്ന് ഷൂട്ടിങ്ങിൻ്റെ ആദ്യ ദിവസം തന്നെ പുറത്ത് വന്നിരുന്നു.
അടിപൊളി ലുക്ക്
ഇപ്പോഴിതാ നവ്യയുടെ അടിപൊളി ലുക്കിലുള്ള ചിത്രങ്ങൾ സോഷ്യൽ മീഡിയയിൽ വൈറലാകുകയാണ്. സെലിബ്രിറ്റി മേയ്ക്കപ്പ് ആര്ട്ടിസ്റ്റ് അവിനാശ് സോഷ്യൽ മീഡിയയിലൂടെ പങ്കുവെച്ച ചിത്രങ്ങൾ ആരാധകര് ഏറ്റെടുത്തുകഴിഞ്ഞു.
കിടിലോൽക്കിടിലൻ മേക്കോവർ
മെറൂൺ നിറത്തിലുള്ള കസവ് പട്ടും ഡിസൈനര് ബ്ലൗസും അണിഞ്ഞ് അതിസുന്ദരിയായി അണിഞ്ഞൊരുങ്ങിയ ചിത്രങ്ങളാണ് സോഷ്യൽ മീഡിയയിൽ വൈറലായിരിക്കുന്നത്.
ഏറ്റെടുത്ത് ആരാധകരും
അതിസുന്ദരിയായിരിക്കുന്നെന്നും എങ്ങനെയാണ് ചെറുപ്പം നിലനിര്ത്തുന്നതെന്നതും അടക്കമുള്ള ചോദ്യങ്ങളാണ് ആരാധകര് താരത്തോട് ചോദിക്കുന്നത്.
ഒരുത്തീ
നവ്യ നായര് തിരിച്ചെത്തുന്ന ചിത്രമെന്ന പേരിൽ ഖ്യാതി നേടിയ ഒരുത്തീ നിര്മ്മിക്കുന്നത് ബെൻസി പ്രൊഡക്ഷൻസിന്റെ ബാനറിൽ ബെൻസി നാസറാണ്. എസ് സുരേഷ് ബാബുവാണ് ചിത്രത്തിന് തിരക്കഥയെഴുതിയിരിക്കുന്നത്. ചിത്രത്തിൽ വിനായകനും പ്രധാന വേഷം അവതരിപ്പിക്കുന്നുണ്ട്.