അന്നും ഇന്നും 'ക്യൂട്ട്നെസ്സ് ഓവർ ലോഡഡ്'; ആളെ മനസ്സിലായോ?

മിനി സ്ക്രീനിൽ അവതാരകയായെത്തി പിന്നീട് സിനിമയിലേക്കെത്തിയ താരം. നസ്രിയയെ കുറിച്ച് പറയാൻ മലയാളികള്‍ക്ക് നൂറ് നാവാണ്. 2006ൽ പളുങ്കിലൂടെ തുടങ്ങിയ അഭിനയജീവിതം 2020ൽ ട്രാൻസിൽ എത്തി നിൽക്കുന്നു. ഇൻസ്റ്റയിൽ ഏറെ സജീവവുമാണ് നസ്രിയ.

നടൻ ഫഹദുമായുള്ള വിവാഹ ശേഷം സിനിമയില്‍ നിന്ന് കുറച്ച് നാള്‍ വിട്ടു നിന്നെങ്കിലും നസ്രിയ മലയാളികളുടെ പ്രിയപ്പെട്ട താരമാണ്. അടുത്തിടെ 'കൂടെ' എന്ന സിനിമയിലൂടെ നാലു വര്‍ഷങ്ങള്‍ക്ക് ശേഷമുള്ള തിരിച്ചുവരവ് പ്രേക്ഷകര്‍ ഏറെ ഏറ്റെടുത്തിരുന്നു.

Also Read: നമ്മുടെ ഐശ്വര്യയും ബോളിവുഡ് താരറാണി ദീപികയും തമ്മിലെന്ത്? രസകരമായൊരു സാമ്യത !

ഓള്‍വെയ്സ് എന്ന് കുറിച്ചുകൊണ്ട് തന്‍റെ ഒരു കുട്ടിക്കാല ചിത്രം പങ്കുവെച്ചിരിക്കുകയാണ് ഇപ്പോള്‍ നസ്രിയ. നിരവധി കമന്‍റുകളാണ് ചിത്രത്തിന് ലഭിച്ചുകൊണ്ടിരിക്കുന്നത്. ഓള്‍വെയ്സ് ക്യൂട്ട്, ഓള്‍വെയ്സ് ബ്യൂട്ടി, ഓള്‍വെയ്സ് സ്മൈൽ തുടങ്ങി നിരവധി കമന്‍റുകളാണ് നസ്രിയയുടെ ക്യാപ്ഷൻ പൂരിപ്പിച്ചുകൊണ്ട് വന്നിരിക്കുന്നത്.

മലയാളികളുടെ പ്രിയപ്പെട്ട താരജോഡിയുമാണ് ഫഹദ് ഫാസിലും നസ്രിയയും. ഇന്ത്യയിലെ തന്നെ ഏറ്റവും മികച്ച നടന്മാരുടെ പട്ടികയിലാണ് ഇപ്പോള്‍ ഫഹദിന്‍റെ സ്ഥാനം. ബാംഗ്ലൂര്‍ ഡെയ്സിന് ശേഷം ഇരുവരും ട്രാന്‍സിലൂടെ വീണ്ടും ഒരുമിച്ചപ്പോള്‍ ആരാധകര്‍ ഇരുകെെയ്യും നീട്ടിയാണ് സ്വീകരിച്ചത്. ഫഹദ് പൊതുവെ സോഷ്യല്‍ മീഡയയില്‍ അത്ര സജീവമല്ലെങ്കിലും നസ്രിയയാകട്ടെ സോഷ്യല്‍ മീഡിയയിലൂടെ ആരാധകരുമായി സംവദിക്കുന്നയാളാണ്.

Also Read: മലയാളത്തിന്‍റെ സ്വന്തം 'ജിംബ്രൂട്ടന്' വിവാഹ മംഗളങ്ങളുമായി താരങ്ങള്‍

ലോക്ക്ഡൗണ്‍ കാലത്ത് തന്‍റെയും ഫഹദിന്‍റേയും അരുമയായ നായക്കുട്ടി ഓറിയോയുടെയുമൊക്കെ വിശേഷങ്ങള്‍ നസ്രിയ ഇൻസ്റ്റയിലൂടെ പങ്കുവെച്ചിരുന്നു. ടിക് ടോക്കിലെ വെെറല്‍ ഇമോജി ചലഞ്ച് ഏറ്റെടുത്ത് നസ്രിയയുടേയും ഇതെന്താണ് നടക്കുന്നതെന്ന് ഒന്നും മനസ്സിലാകാതെ നോക്കിയിരിക്കുന്ന ഫഹദിന്‍റെയും വീഡിയോയും ഇൻസ്റ്റയിലൂടെ ഏറെ വൈറലായിരുന്നതാണ്.