ഇത്തവണ മോഹൻലാൽ ചിത്രത്തിലെ ഗാനം; പാടുന്ന വീഡിയോ പങ്കിട്ട് നസ്രിയ!

മലയാളികളുടെ പ്രിയങ്കരിയായ നടിയാണ് നസ്രിയ നസീം. ബാലതാരമായി സിനിമയിലെത്തി പിന്നീട് നായികയായി മാറിയ താരം തെന്നിന്ത്യൻ സിനിമാ പ്രേമികളുടെ മുഴുവൻ പ്രിയം പിടിച്ചു പറ്റിയ താരമാണ്. അഭിനയമേഖലയിൽ മാത്രമൊതുങ്ങാതെ ഗായികയായും വിവാഹശേഷം നിർമ്മാതാവായുമൊക്കെ നസ്രിയ സിനിമാ മേഖലയിൽ തിളങ്ങുകയാണ് ഇപ്പോൾ. സോഷ്യൽ മീഡിയയിലും നസ്രിയ വളരെ സജീവമാണ്. ചിത്രങ്ങളും വിശേഷങ്ങളും വീഡിയോകളുമൊക്കെ നസ്രിയ ഇൻസ്റ്റാഗ്രാമിലൂടെ പങ്കുവെക്കാറുണ്ട്.

Also Read: തിര പോലെ തഴുകുന്ന പാട്ടുകൾ; മലയാളത്തിൽ‌ സിദ്ദ് അവിസ്മരണീയമാക്കിയ ഗാനങ്ങൾ

ഇപ്പോഴിതാ നസ്രിയ ഇൻസ്റ്റാഗ്രാമിൽ പങ്കുവെച്ച ഗാനം വൈറലാകുകയാണ്. ഗാനമാലപിക്കുന്നതിൻ്റെ വീഡിയോയാണ് നസ്രിയ ഇൻസ്റ്റാഗ്രാം സ്റ്റോറിയായി പങ്കുവെച്ചിരിക്കുന്നത്. മോഹൻലാലും ഭാവനയും കേന്ദ്ര കഥാപാത്രങ്ങളെ അവതരിപ്പിച്ച ചിത്രമായ ഛോട്ടാ മുംബൈയിലെ കോർ ഗാനത്തിൻ്റെ മെലൊഡിയസായ ഒരു ഭാഗമാണ് നസ്രിയ ഇപ്പോൾ ആലപിച്ചിരിക്കുന്നത്. അൻവർ റഷീദ് ചിത്രത്തിലെ ഈ ഗാനം സംഗീതപ്രേമികളുടെ പ്രിയപ്പെട്ട ഗാനമാണ്.

Also Read: ഒമർ ലുലു എന്‍റര്‍ടൈൻമെന്‍റ്സിന്‍റെ ആദ്യ മ്യൂസിക് വീഡിയോ; ശ്രദ്ധ നേടി 'എടി എടി പെണ്ണേ'

നൊമ്പരം കളയും നാളം നീ.. സ്നേഹമണി നാളം നീ.. ജീവിതം വെറുതെ വാടുമ്പോൾ കുമ്പിളിൽ നിറനിറയെ... എന്ന് തുടങ്ങുന്ന ഗാനം വളരെ മനോഹരമായാണ് നസ്രിയ ആലപിച്ചിരിക്കുന്നത്. ഛോട്ടാ മുംബൈ, ഫേവറേറ്റ് സോംഗ് ബിറ്റ് എന്ന് കുറിച്ചുകൊണ്ടാണ് നസ്രിയ ഗാനം പങ്കുവെച്ചിരിക്കുന്നത്. നേരത്തേയും ഇത്തരത്തിൽ നസ്രിയ ഗാനം ആലപിച്ച് ആരാധകർക്കായി പങ്കുവെച്ചിട്ടുണ്ട്. ഇതിനോടകം തന്നെ നസ്രിയ നാലോളം മലയാള സിനിമകളിൽ പിന്നണി പാടിയിട്ടുണ്ട്.

Also Read: വൈറലായി കർണ്ണൻ നെപ്പോളിയൻ ഭഗത് സിംഗിലെ പുതിയ ഗാനം!

2014ൽ പുറത്തിറങ്ങിയ സലാല മൊബൈൽസ് എന്ന ദുൽഖർ ചിത്രത്തിലാണ് നസ്രിയ ഗാനമാലപിച്ചത്. ലാലാ ലാസ എന്ന് തുടങ്ങുന്ന ഗാനമാണ് ഈ ചിത്രത്തിനായി നസ്രിയ ആലപിച്ചത്. ഇത് വളരെ ഹിറ്റായി മാറിയിരുന്നു. ഗോപി സുന്ദറായിരുന്നു ഈ ഗാനത്തിൻ്റെ സംഗീത സംവിധായകൻ. പിന്നാലെ ബാംഗ്ലൂർ ഡെയ്സ് എന്ന ചിത്രത്തിലും ഗോപി സുന്ദറിൻ്റെ മ്യൂസിക്കിൽ എൻ്റെ കണ്ണിൽ നിനക്കായി ഒരുക്കിയ സ്വപ്നങ്ങൾ... എന്ന് തുടങ്ങുന്ന ഒരു ഗാനം നസ്രിയ ആലപിച്ചിരുന്നു.

Also Read: 'പോസ്റ്റ് ഇട്ട ശേഷം ഭീഷണിയുമായി ഫോൺ കോളുകൾ'; രഞ്ജു രഞ്ജിമാർ!