'ആര്‍ത്തവമാണ് വിഷയമെങ്കില്‍, ആ ദിവസങ്ങള്‍ മാറ്റിവെച്ചിട്ട് പോകണം': നടി നിമിഷ സജയൻ

ശബരിമലയിൽ സ്ത്രീകളെ പ്രവേശിപ്പിക്കുന്ന വിഷയത്തിൽ നിലപാട് പരസ്യപ്പെടുത്തി നടി നിമിഷ സജയനും രംഗത്ത്. ഓരോരുത്തരുടെയും തെരഞ്ഞെടുപ്പാണ് ശബരിമലയിൽ പോകണോ വേണ്ടയോ എന്നത്. ആണുങ്ങള്‍ക്ക് പോകാമെങ്കില്‍ പെണ്ണുങ്ങള്‍ക്കും പോകാം എന്നാണ് തൻ്റെ നിലപാടെന്ന് നടി നിമിഷ സജയൻ പറയുന്നു.

പുരുഷന്‍മാരെല്ലാം 41 ദിവസം വ്രതമെടുത്തിട്ടാണ് പോകുന്നത് എന്ന് ആര്‍ക്കാണ് ഉറപ്പ് പറയാന്‍ സാധിക്കുക. എല്ലാവര്‍ക്കും പോകാമെന്നാണ് സുപ്രിംകോടതി വിധി. ആര്‍ത്തവമാണ് വിഷയമെങ്കില്‍, ആ ദിവസങ്ങള്‍ മാറ്റിവെച്ചിട്ട് പോകണമെന്നും നിമിഷ പറയുന്നു.

എല്ലാവരും ദൈവത്തിൻ്റെ മക്കളാണെന്നാണല്ലോ പറയാറുള്ളത്. അപ്പോൾ അതിലെവിടെയാണ് ആൺ പെൺ വ്യത്യാസമുള്ളത്. ദേശാഭിമാനി പത്രത്തിന് അനുവദിച്ച പ്രത്യേക അഭിമുഖത്തിലാണ് നിമിഷ ഇക്കാര്യങ്ങൾ വ്യക്തമാക്കിയിരിക്കുന്നത്.