ആറുമാസം കൂടുമ്പോള്‍ അരവിന്ദിന്റെ നാടായ കാശ്മീരിലേക്ക് പോവാറുണ്ട്! വിവാഹശേഷം അവരുടെ ജീവിതരീതി ശീലിച്ചു! സംയുക്ത വര്‍മ്മയോടുള്ള അടുപ്പത്തിന് കാരണമുണ്ടെന്നും നിത്യദാസ്

നിത്യദാസും മകള്‍ നൈനയും സോഷ്യല്‍ മീഡിയയില്‍ സജീവമാണ്. ഒരുമിച്ചുള്ള ഡാന്‍സും വീഡിയോയുമായുമൊക്കെ ഇരുവരും എത്താറുണ്ട്. അമ്മയും മകളുമാണോ ഇവരെന്ന തരത്തില്‍ ആശ്ചര്യപ്പെടുകയായിരുന്നു ആരാധകര്‍. കാഴ്ചയില്‍ ചേച്ചിയേയും മകളേയും പോലെയാണല്ലോ ഇരുവരും എന്നായിരുന്നു കമന്റുകള്‍. മകളോട് താന്‍ ചേച്ചിയാണോയെന്ന് ചോദിക്കുമ്പോള്‍ അല്ല അമ്മയെന്നാണ് മറുപടി കൊടുക്കാറുള്ളത്. എന്നോട് ആരെങ്കിലും അങ്ങനെ ചോദിച്ചാല്‍ അവള്‍ എന്റെ അനിയത്തിയാണെന്നാണ് പറയാറുള്ളതെന്നും നിത്യ ദാസ് പറയുന്നു.

സോഷ്യല്‍ മീഡിയയില്‍ അത്ര സജീവമല്ല അരവിന്ദ്. ഫോട്ടോ ഷൂട്ടിലും അദ്ദേഹത്തിന് വല്യ താല്‍പര്യമില്ല. നൂനു ആക്ടീവാണ്, തന്റെ പ്രൊഫൈല്‍ അത്ര സജീവമല്ലെന്നും നിത്യ പറയുന്നു. പഠനത്തിന് ശേഷവും ഫോണ്‍ അധികം ഉപയോഗിക്കുന്നത് അരവിന്ദിന് ഇഷ്ടമില്ല. ചിത്രങ്ങളും ഡാന്‍സ് വീഡിയോയുമൊക്കെ പോസ്റ്റ് ചെയ്യാനിഷ്ടമാണ് മകള്‍ക്ക്. അരവിന്ദിന്റെ അനുമതിയോടെയാണ് ചെയ്യുന്നത്.

അമ്മയും മകളും ഒരേ അളവിലുള്ള ഡ്രസ് ഉപയോഗിക്കുന്നതൊക്കെ ഭാഗ്യമാണെന്ന് തോന്നിയിരുന്നു. പിന്നീടാണ് അതിലെ അപകടം തിരിച്ചറിഞ്ഞത്. എവിടെയെങ്കിലും പോയി തിരിച്ചുവരുമ്പോള്‍ ഷെല്‍ഫൊക്കെ അലങ്കോലമായിരിക്കും. എന്റെ ഡ്രസും ഇട്ടുള്ള നൂനുവിന്റെ ഫോട്ടോ ഇന്‍സ്റ്റഗ്രാമില്‍ കാണാറുമുണ്ട്.

വിവാഹം കഴിഞ്ഞ് കാശ്മീരിലേക്ക് പോയെങ്കിലും കോഴിക്കോടാണ് നിത്യ ദാസ് സെറ്റില്‍ ചെയ്തത്. എവിടെ ജീവിക്കണം എന്ന കാര്യത്തെക്കുറിച്ച് മുന്‍പേ ധാരണയായിരുന്നു. 6 മാസം കൂടുമ്പോള്‍ അദ്ദേഹത്തിന്റെ നാട്ടിലേക്ക് പോവാറുണ്ട്. കൊഴിക്കോടിനോട് പ്രത്യേകമായൊരു അറ്റാച്ച്‌മെന്റ് അന്നേയുണ്ട്.

സിനിമയില്‍ നിന്നും അങ്ങനെ ഒരുപാട് സൗഹൃദങ്ങളൊന്നുമില്ല. നവ്യ നായരും സംയുക്ത വര്‍മ്മയുമായാണ് കൂടുതല്‍ സൗഹൃദം. സംയുക്ത വര്‍മ്മയെപ്പോലെയാണ് നിത്യയുടെ ചേച്ചി. അതേ പോലെയുള്ള അടുപ്പമാണ് സംയുക്ത ചേച്ചിയോടുള്ളത്. കൂടപ്പെഠിച്ചവരെല്ലാമായി നല്ല സൗഹൃദം നിലനിര്‍ത്തുന്നുണ്ട് നിത്യ ദാസ്.