ആ ഓഫർ നിരസിച്ചാണ് സന്തോഷം ഞാൻ കണ്ടെത്തിയത്; വെളിപ്പെടുത്തലുമായി നെെല ഉഷ

അവതാരകയായും ശ്രദ്ധ നേടിയിട്ടുണ്ട് നെെല ഉഷ. ഇപ്പോള്‍ ദുബായില്‍ എഫ്എം ചാനലില്‍ റേഡിയോ ജോക്കിയാണ് നെെല. ഇപ്പോഴിതാ തന്റെ കരിയറിലുണ്ടായ ഒരു അനുഭവം തുറന്നു പറയുകയാണ് നെെല. ഏഷ്യാവില്ലിന് നല്‍കിയ അഭിമുഖത്തിലാണ് നെെല മനസ് തുറന്നത്.

''ഞാൻ പണ്ട് ടിവിയിൽ പാർട്ട് ടൈം ആയാണ് ജോലി ചെയ്തിരുന്നത്. നമുക്ക് ജോലി ഉള്ളപ്പോൾ നമ്മളെ വിളിക്കും പോകും അങ്ങനെയായിരുന്നു ജോലിയുടെ സ്വഭാവം. എന്നെ മുൻകൂട്ടി അറിയിക്കാഞ്ഞതിനാൽ ഞാൻ ജോലി ചെയ്തു കൊണ്ടിരുന്ന ഷോയിലെ ഒരു എപ്പിസോഡ് അറ്റൻഡ് ചെയ്യാൻ സാധിച്ചില്ല കാരണം ആ സമയത്ത് ഞാൻ ബാംഗ്ലൂരായിരുന്നു'' നെെല ഉഷ പറയുന്നു.

''പിന്നെ ഞാൻ നാട്ടിൽ തിരിച്ചു വന്നു കഴിഞ്ഞു പുതിയ എപ്പിസോഡ് അറ്റൻഡ് ചെയ്യാൻ വേണ്ടി ആ ചാനലിൽ ചെന്നപ്പോൾ ആ ചാനലിന്റെ ഹെഡ് അവിടെ ഉണ്ടായിരുന്നു. അയാൾ എന്നെ റൂമിലേക്ക് വിളിപ്പിച്ചു. അവിടെ ഒരുപാട് ആളുകൾ ഉണ്ടായിരുന്നു. അദ്ദേഹം അത്രയും പേരുടെ മുന്നിൽ വെച്ച് എന്നെ ചീത്ത പറഞ്ഞു. ഞാൻ അവിടെ നിന്ന് കരഞ്ഞു പോയി'' നെെല ഓര്‍ക്കുന്നു.

Also Read: 'പഞ്ചാര'യ്ക്കൊപ്പം സോൾട്ട് ആൻ്റ് പെപ്പർ ലുക്കിൽ പൃഥ്വി; അല്ലിയെവിടെ? അവൾ ഇതു കാണുന്നില്ലെന്ന് കരുതുന്നെന്ന് ആരാധകരും!

എന്നാല്‍ പിന്നീട് താന്‍ അതിന് എങ്ങനെയാണ് മറുപടി നല്‍കിയതെന്നും നെെല പറയുന്നു. ''ആ വ്യക്തിയെ വീണ്ടും കാണേണ്ടി വന്നു. അദ്ദേഹം എന്നോട് ഒരു ഷോ ചെയ്യുമോ എന്ന് ചോദിച്ച് അദ്ദേഹത്തിന്റെ ചാനലിലേക്ക് വിളിച്ചു. ഞാൻ ആ ഓഫർ നിരസിച്ചാണ് സന്തോഷം കണ്ടെത്തിയത്. ദേവാസുരം സിനിമയിൽ രേവതി പറയുന്നത് പോലെ എന്റെ ഉള്ളിലുമുണ്ട് ചെറിയ ചില ജയങ്ങൾ ആഗ്രഹിക്കുന്നൊരു മനസ്സ് നെെല ഉഷ കൂട്ടിച്ചേര്‍ത്തു.