പ്രണയത്തെക്കുറിച്ച്
സത്യസന്ധനാണ് ആള്‍, പുള്ളിയുടെ വീട്ടില്‍ വെച്ചാണ് ഞങ്ങള്‍ ആദ്യം കണ്ടത്. എന്റെ സീരിയലിലെ നായകന്റെ ബെസ്റ്റ് ഫ്രണ്ടാണ്. അങ്ങനെയായാണ് അവിടേക്ക് പോയത്. കല്യാണത്തിന് എന്നെ വിളിക്കണമെന്ന് ഞാന്‍ ബാലുവിനോട് പറഞ്ഞിരുന്നു. അന്നെനിക്ക് കല്യാണം ആലോചിച്ചിരുന്ന സമയമായിരുന്നുവെന്ന് ബാലഗോപാല്‍ പറയുന്നു. ആളുടെ ക്യാരക്ടറാണ് എന്നെ ആകര്‍ഷിച്ചതെന്നായിരുന്നു പാര്‍വതി പറഞ്ഞത്.
മാലിക്കില്‍
നല്ല കഥാപാത്രങ്ങള്‍ വന്നാല്‍ അഭിനയിക്കും. എനിക്ക് പെര്‍ഫോം ചെയ്യാനുണ്ടെന്നുള്ള ക്യാരക്ടറാണ് ഞാന്‍ അവതരിപ്പിക്കാറുള്ളത്. ഇന്‍സ്റ്റഗ്രാമിലൂടെയായാണ് മാലിക്ക് ടീം എന്നെ കോണ്ടാക്റ്റ് ചെയ്യുന്നത്. ഞാന്‍ വര്‍ക്ക് ചെയ്‌തോണ്ടിരിക്കുന്ന സമയത്തായിരുന്നു അത്. എനിക്ക് ലീവ് കിട്ടുമോയെന്നറിയില്ലായിരുന്നു. ഞാന്‍ തന്നെ ചെയ്യേണ്ടതാണെന്ന് ദൈവം തന്നെ വിധിച്ചിട്ടുണ്ടെന്ന് തോന്നുന്നു. അങ്ങനെയാണ് മാലിക്ക് ചെയ്തതെന്നായിരുന്നു പാര്‍വതി പറഞ്ഞത്.
കുഞ്ഞതിഥി എത്തിയത്
ഞാന്‍ ആലോചിക്കുമ്പോഴേക്കും പുള്ളിക്കാരി അവിടെ എത്തിയിരിക്കും. അത്രയും ഫാസ്റ്റാണ് പാര്‍വതി. അച്ഛന്‍ ജനിച്ച അതേ ഡേറ്റിലാണ് എന്റെ മോന്‍ ജനിച്ചത്. അച്ഛനുമായുണ്ടായിരുന്ന സൗഹൃദത്തെക്കുറിച്ച് എംജി ശ്രീകുമാര്‍ വാചാലനായിരുന്നു. അച്ഛനിപ്പോഴും നല്ല ആക്റ്റീവാണ്. സിനിമയിലും സീരിയലിലുമൊക്കെ അഭിനയിച്ചിരുന്നുവെന്നായിരുന്നു പാര്‍വതി പറഞ്ഞത്.
വിമര്‍ശനങ്ങളെക്കുറിച്ച്
പ്രഗ്നന്‍സി ഞാന്‍ അവസാനനിമിഷമാണ് വെളിപ്പെടുത്തിയത്. ഒരു ഡാന്‍സ് വീഡിയോയിലൂടെയായാണ് ഞാന്‍ അതേക്കുറിച്ച് പറഞ്ഞത്. നമ്മള്‍ ചെയ്യുന്ന ആക്റ്റിവിറ്റീസ് നല്ലതാണെന്നൊക്കെ ഞാന്‍ വായിച്ചിരുന്നു. ഞാന്‍ വീട്ടിലെ പണികളും ചെയ്യുന്നുണ്ടായിരുന്നു. കുഞ്ഞിനെ കൊല്ലാന്‍ വേണ്ടിയാണ് ഞാന്‍ ഡാന്‍സ് ചെയ്തതെന്നായിരുന്നു ചിലര്‍ പറഞ്ഞത്. ഞാന്‍ വണ്ണം വെച്ചിരുന്നു, അത് കണ്ടപ്പോള്‍ തടിച്ചി എന്നൊക്കെയുള്ള കമന്റുകളായിരുന്നു. ബോഡി ഷെയ്മിംഗ് നടത്തുന്ന തരത്തിലുള്ള കമന്റുകളുണ്ടായിരുന്നു.