നടി പാര്‍വതി വിവാഹിതയാകുന്നു; വിനീത് മേനോൻ വരൻ

നടി പാര്‍വ്വതി നമ്പ്യാര്‍ വിവാഹിതയാവുന്നു. വിവാഹ നിശ്ചയം കഴിഞ്ഞു. തിങ്കളാഴ്ച്ച വിവാഹ നിശ്ചയം കഴിഞ്ഞതായി നടി തന്നെയാണ് സോഷ്യൽ മീഡിയയിലൂടെ ആരാധകരെ അറിയിച്ചത്. വിനീത് മേനോന്‍ ആണ് വരന്‍. ഫേസ്ബുക്ക് ലൈവിലെത്തിയ നടി 'ഇന്ന് എൻ്റെ ജീവിതത്തിലെ ഒരു പ്രധാന ദിവസമാണ്. ഇന്ന് എൻ്റെ വെഡ്ഡിംഗ് എന്‍ഗേജ്മെൻ്റ് ആണ്. എല്ലാവരുടെയും പ്രാര്‍ഥന വേണം',എന്ന് പറഞ്ഞു.

Also Read: എഴുതാന്‍ ഏകാന്തതയോ കഞ്ചാവോ വേണ്ടി വന്നിട്ടില്ലെന്ന് ധര്‍മ്മജൻ

ലാല്‍ ജോസ് സംവിധാനം ചെയ്ത 'ഏഴ് സുന്ദര രാത്രികള്‍' എന്ന ചിത്രത്തിലൂടെയാണ് പാര്‍വതി നമ്പ്യാര്‍ അഭിനയ മേഖലയിലേക്ക് എത്തുന്നത്. ചിത്രത്തിൽ ദിലീപ് ആയിരുന്നു നായകന്‍. തുടര്‍ന്ന് രഞ്ജിത്ത് സംവിധാനം ചെയ്ത ലീല എന്ന ചിത്രത്തിൽ സുപ്രധാന വേഷത്തെ അവതരിപ്പിച്ച് ശ്രദ്ധ നേടി.

Also Read: 'അന്നം ദൈവം ആണ്'; ആരോരുമില്ലാത്തവർക്ക് അന്നം നൽകി 'പട്ടാഭിരാമൻ' ടീം

മമ്മൂട്ടിച്ചിത്രങ്ങളായ പുത്തന്‍പണം, മധുരരാജ തുടങ്ങിയ സിനിമകളിലും പാര്‍വതി പ്രധാന വേഷങ്ങൾ കൈകാര്യം ചെയ്തിട്ടുണ്ട്. തീയേറ്ററുകളില്‍ വിജയകരമായി പ്രദര്‍ശനം തുടരുന്ന ജയറാം നായകനായ പട്ടാഭിരാമനിലാണ് പാര്‍വതി ഒടുവിൽ അഭിനയിച്ചത്. പാർവതിയുടെ വിവാഹനിശ്ചയ ചിത്രങ്ങൾ കാണൂ.