പോസിറ്റീവ് കമന്റുകൾക്ക് പ്രതികരിക്കാറുണ്ട്
എല്ലാവർക്കും നമസ്കാരം, എന്റെ പേര് പാർവതി തിരുവോത്ത്. ഞാൻ സിനിമയിൽ വന്നിട്ട് 15 വർഷമാകുന്നു. സോഷ്യൽ മീഡിയയിൽ ജോയിൻ ചെയ്തിട്ട് ഏറെക്കുറെ 10 വർഷമാകുന്നു. എന്റെ സിനിമകൾക്ക് എത്രത്തോളം അംഗീകാരങ്ങൾ കിട്ടിയിരുന്നുവോ അതേ അളവിൽ തന്നെ സോഷ്യൽ മീഡിയയിലും എല്ലാവരുമായിട്ടുള്ള എൻഗേജ്മെന്റ് കൂടിക്കൊണ്ടിരുന്നു. അതിൽ വളരെ പോസിറ്റീവ് ആയിട്ടുള്ള എല്ലാ കമന്റ്സിനൊക്കെ പ്രതികരിക്കാൻ ഒരുപാട് ആഗ്രഹിക്കാറുണ്ട്. അതെല്ലാം ഏറെ എൻജോയ് ചെയ്യാറുമുണ്ട്. പക്ഷേ, അത് പോലെ തന്നെ എന്റെ വ്യക്തിപരമായിട്ടുള്ളതും രാഷ്ട്രീയപരമായിട്ടുള്ളതുമായ നിലപാടുകൾ ഞാൻ പങ്കുവയ്ക്കുമ്പോൾ അതിന് ആനുപാതികമായി ട്രോളിംഗും സൈബർ അബ്യൂസും സൈബർ ബുള്ളിയിംഗുമൊക്കെ ഞാൻ നേരിടാറുണ്ട്, പാർവതി വീഡിയോയിൽ പറയുകയാണ്.
ദേഹത്ത് കാണാൻ കഴിയാത്ത മുറിവുകൾ
എന്റെ ഈ അനുഭവത്തിൽ നിന്ന് ഞാൻ മനസ്സിലാക്കിയത് അല്ലെങ്കിൽ മനസ്സിലാക്കി കൊണ്ടിരിക്കുന്നതെന്തെന്നാൽ ശാരീരികമായ ആക്രമണങ്ങൾ ആണെങ്കിൽ ആ മുറിവുകൾ നമ്മുടെ ദേഹത്ത് കാണാൻ കഴിയുമെന്നും പക്ഷേ, സൈബർ ബുള്ളിയിംഗിന്റെ മുറിവുകൾ ആണെങ്കിൽ നമുക്ക് വ്യക്തമായി പുറത്ത് കാണാൻ കഴിയാത്ത തരത്തിലുള്ളതായിരിക്കുമെന്നാണ്. അതുകൊണ്ടു തന്നെ അതിനെപ്പറ്റി നമ്മൾ കൂടുതൽ ബോധവാൻമാരാകേണ്ടതാണ്.
പാർവതി പങ്കുവെച്ചിരിക്കുന്ന വീഡിയോ കാണാം
എന്ത് സന്തോഷമാണ് ലഭിക്കുന്നത്?
ഒരു വ്യക്തിയെ ഭീതിയിൽ അല്ലെങ്കിൽ ഭയത്തിൽ ജീവിക്കാൻ തള്ളിവിടുന്ന തരത്തിലുള്ള നമ്മുടെ പെരുമാറ്റം എന്താണെന്നുള്ളതും അത് ചെയ്യേണ്ട ആവശ്യമുണ്ടോയെന്നും അതിൽ നിന്ന് എന്ത് സന്തോഷമാണ് നമുക്ക് ലഭിക്കുന്നതെന്നുമൊക്കെ ഓരോരുത്തരും സ്വയം ചോദിച്ചു മനസ്സിലാക്കേണ്ട കാര്യമാണ്. ഞാൻ നിങ്ങൾ എല്ലാവരോടും അതിപ്പോൾ ആരു തന്നെയായാലും അത് പുരുഷൻമാർ എന്ന് മാത്രമല്ല, ആരു തന്നെയായാലും നിങ്ങൾ അങ്ങനെ ചെയ്യുന്നുണ്ടോയെന്ന് അറിഞ്ഞും അറിയാതെയും ചെയ്യുന്നുണ്ടോെന്ന് അതിനെപ്പറ്റി ചിന്തിക്കണം എന്ന് ഞാൻ അഭ്യർഥിക്കുകയാണ്, പാർവതിയുടെ വാക്കുകള്.
ഇത്തരക്കാരെ റെഫ്യൂസ് ചെയ്യേണ്ടതുണ്ട്
അതുപോലെ തന്നെ നിങ്ങളിത് നേരിടുന്നവരാണെങ്കിൽ നിങ്ങൾക്ക് അവകാശങ്ങളുണ്ട്. അവകാശങ്ങൾ നിയമപരമായിട്ട് പൂർണമായ തരത്തിൽ നമ്മളെ സംരക്ഷിക്കുന്ന തരത്തിലുള്ളത് അല്ലെങ്കിലും, അതിലേക്ക് എത്തിക്കാനുള്ള പ്രാപ്തിയും അവകാശവുമൊക്കെ നമ്മൾക്കുണ്ട്. അതിലുപരി പൗരൻമാരെന്ന നിലയിൽ നമ്മുടെ ഒരു കടമയാണ്. അതുപോലെ തന്നെ അതിലേക്ക് എല്ലാവരും ചേർന്നു തന്നെ ഇത്തരം സൈബർ ബുള്ളിയിംഗുകളെ റെഫ്യൂസ് ചെയ്യേണ്ടതുണ്ട്. നമുക്ക് പുറമേ കാണാൻ കഴിയാത്ത മുറിവുകൾ നമ്മുടെ മനസിന്റെ അവസ്ഥയെ തന്നെ മാറ്റിമറിക്കുന്നതാണ്. അതിനെ നമുക്ക് കാണാൻ പറ്റുന്ന ഫിസിക്കലായ മുറിവുകളെ പോലെ തന്നെ ഗൗരവത്തോടെ കാണേണ്ടതുമാണ്. അതുകൊണ്ട് റെഫ്യൂസ് ദ അബ്യൂസ്. ഇത് നിങ്ങളുടെ കൈകളിലാണ്. സൈബർ ബുള്ളിയിംഗുകളോട് നോ പറയുക, പാർവതി വീഡിയോ അവസാനിപ്പിച്ചിരിക്കുന്നത് ഇങ്ങനെയാണ്.
Also Read: മനോഹരമായ 16 വർഷങ്ങൾ! വിവാഹ വാർഷിക ദിനത്തിൽ ഷാജോൺ