'സന്തോഷം നിറഞ്ഞ നാളുകളിലൊന്നായിരുന്നു അത്'; പ്രാർത്ഥനയ്ക്ക് 16 മാസമുള്ളപ്പോൾ പകർത്തിയ ചിത്രം പങ്കുവെച്ച് പൂർണിമ!

മലയാളി സിനിമാ പ്രേക്ഷകരുടെ പ്രിയപ്പെട്ട താരമാണ് പൂർണിമ ഇന്ദ്രജിത്ത്. ഒരുകാലത്ത് മലയാളത്തിൻ്റെ മിനിസ്ക്രീനിലും വെള്ളിത്തിരയിലും ഒരുപോലെ തിളങ്ങിയ പൂർണിമ പിന്നീട് വസ്ത്ര വ്യാപാര രംഗത്തും മിന്നിത്തിളങ്ങി. കഴിഞ്ഞ വർഷമാണ് താരം നീണ്ട ഇടവേളയ്ക്ക് വിരാമമിട്ടുകൊണ്ട് അഭിനയ രംഗത്തേക്ക് മടങ്ങിയെത്തിയത്. ആഷിഖ് അബു സംവിധാനം ചെയ്ത വൈറസ് എന്ന ചിത്രത്തിൽ ഏറെ പ്രാധാന്യമുള്ള ഒരു കഥാപാത്രത്തെയായിരുന്നു പൂർണിമ അവതരിപ്പിച്ചത്. അതിന് പിന്നാലെ രാജീവ് രവി സംവിധാനം ചെയ്യുന്ന തുറമുഖം എന്ന ചിത്രത്തിലും താരം അഭിനയിക്കുന്നുണ്ട്.

Also Read: തൃഷയ്ക്കും റാണയ്ക്കുമിടെ പിണക്കമോ? ഇനി അതൊക്കെ പഴങ്കഥ!; തെളിവായി പുത്തൻ ചിത്രം!

ഇതിനൊക്കെയിടെ ഇൻസ്റ്റാഗ്രാമും ഫേസ്ബുക്കും അടക്കമുള്ള സോഷ്യൽ മീഡിയ പ്ലാറ്റ് ഫോമുകളിലും പൂർണിമ സജീവ സാന്നിധ്യമാണ്. തങ്ങളെ സംബന്ധിക്കുന്ന ഏത് വിവരവും താരം ആരാധകരുമായി പങ്കുവെക്കാറുണ്ട്. ഇതെല്ലാം തന്നെ ആരാധകർ ഇരുകൈയ്യും നീട്ടിയാണ് സ്വീകരിക്കാറുള്ളത്. താരത്തിൻ്റെ കുടുംബത്തിലെ എല്ലാവരും തന്നെ സോഷ്യൽ മീഡിയയിലെ സ്റ്റാറുകളാണ്. ഇന്ദ്രജിത്ത്, മൂത്തമകൾ പ്രാർത്ഥന, ഇളയ മകൾ നക്ഷത്ര, പൃഥ്വിരാജ്, സുപ്രിയ, ആലി, മല്ലിക സുകുമാരൻ അങ്ങനെ വിവിധ മേഖലകളിൽ കഴിവു തെളിയിച്ച ഓരോരുത്തർക്കും സോഷ്യൽ മീഡിയയിൽ വലിയ ആരാധക പിന്തുണയാണുള്ളത്.

Also Read: 'വീട്ടിലിരിക്കുന്ന സൂപ്പർഹീറോസ്': പുത്തൻ ബോധവത്കരണ വീഡിയോയുമായി ഫെഫ്ക വീണ്ടും!

ഇപ്പോൾ ഒരു ആരാധകൻ പങ്കുവെച്ച ഓർമ്മച്ചിത്രം പങ്കുവെച്ചിരിക്കുകയാണ് പൂർണിമ. മൂത്തമകൾ പ്രാർത്ഥനയ്ക്ക് 16 മാസം പ്രായമായപ്പോൾ പകർത്തിയ ചിത്രമാണ് ഇതെന്നും 2006 ഫെബ്രുവരിയിലാണ് ഈ ചിത്രം പകർത്തിയതെന്നും ചിത്രം പങ്കുവെച്ചുകൊണ്ട് പൂർണിം കുറിച്ചിരിക്കുന്നു. ഇൻസ്റ്റാഗ്രാം സ്റ്റോറിയായും ഫേസ്ബുക്ക് സ്റ്റോറിയായുമാണ് താരം ഈ ചിത്രം പങ്കുവെച്ചിരിക്കുന്നത്. ഞങ്ങൾ അച്ഛനമ്മമാരായതിൻ്റെ സന്തോഷം ആസ്വദിക്കുന്ന വളരെ സന്തോഷ പൂർവ്വമായ ദിനങ്ങളിലൊന്നായിരുന്നു ഇതെന്നും പൂർണിമ ചിത്രം പങ്കുവെച്ചുകൊണ്ട് കുറിച്ചിരിക്കുന്നു.