ഷൂട്ടിങ്ങിനിടെ നടി രജിഷ വിജയന് പരിക്കേറ്റു. രജിഷ നായികയാകുന്ന ഫൈനൽസ് എന്ന ചിത്രത്തിൻ്റെ ഷൂട്ടിങ്ങിനിടെയാണ് നടിയ്ക്ക് പരുക്കേറ്റത്. ഷൂട്ടിങ്ങിനിടെ താരം സൈക്കിളിൽ നിന്ന് വീഴുകയായിരുന്നു കട്ടപ്പന നിര്മൽ സിറ്റിയിലാണ് ഷൂട്ടിങ്ങ് നടന്നത്. സൈക്ലിംഗ് രംഗങ്ങൾ ചിത്രീകരിക്കുകയായിരുന്നു. നടിയുടെ കാലിനാണ് പരിക്കേറ്റത്. രജിഷയെ ഉടൻ തന്നെ സിനിമയുടെ അണിയറ പ്രവര്ത്തകർ ആശുപത്രിയിൽ പ്രവേശിപ്പിച്ചു. പരിക്ക് നിസാരമാണെന്നാണ് അറിയാൻ കഴിയുന്ന വിവരം. സംഭവത്തെ തുടർന്ന് ചിത്രത്തിൻ്റെ ഷൂട്ടിങ്ങ് നിർത്തിവച്ചു. ഇന്ത്യയെ പ്രതിനിധീകരിച്ച് ഒളിംപിക്സിൽ പങ്കെടുക്കുന്ന ഒരു സൈക്ലിംഗ് താരമായാണ് രജിഷ ചിത്രത്തിൽ വേഷമിടുന്നത്. ആലീസ് എന്ന പെൺകുട്ടിയുടെ കഥയാണ് ചിത്രം പറയുന്നത്. മണിയൻപിള്ള രാജു പ്രൊഡക്ഷൻസാണ് ചിത്രം നിർമിക്കുന്നത്. പി ആർ അരുൺ ആണ് ചിത്രം സംവിധാനം ചെയ്യുന്നത്. ജീവാംശമായ് എന്ന സൂപ്പർ ഡ്യൂപ്പർ ഹിറ്റ് ഗാനം ഒരുക്കിയ കൈലാസ് മേനോനാണ് ചിത്രത്തിലെ ഗാനങ്ങൾക്ക് സംഗീതം പകരുന്നത്.
നടി മുത്തുമണിയുടെ ഭർത്താവാണ് പി ആർ അരുൺ. ചിത്രത്തിൽ സുരാജ് വെഞ്ഞാറമ്മൂടാണ് മറ്റൊരു കഥാപാത്രത്തെ അവതരിപ്പിക്കുന്നത്. നിരഞ്ജ് ആണ് നായകൻ. മണിയൻ പിള്ള രാജുവും പ്രജീവും ചേർന്നാണ് ചിത്രം നിർമ്മിക്കുന്നത്.
'അനുരാഗ കരിക്കിൻ വെള്ളം' എന്ന ഒറ്റ ചിത്രത്തിലൂടെ തന്നെ സംസ്ഥാന സർക്കാരിൻ്റെ മികച്ച നടിക്കുള്ള പുരസ്കാരം സ്വന്തമാക്കിയ രജിഷ വിജയൻ വലിയ ഒരു ഇടവേളയ്ക്ക് ശേഷം തിരിച്ചെത്തിയത് 'ജൂൺ' എന്ന ചിത്രത്തിലൂടെയായിരുന്നു. മികച്ച പ്രേക്ഷക നിരൂപക പ്രശംസ നേടിയാണ് ചിത്രം തീയേറ്ററിൽ മുന്നേറുന്നത്. മലയാള സിനിമയിലെ മികച്ച സ്പോർട്സ് ചിത്രങ്ങളിൽ ഒന്നായി മാറാൻ തയ്യാറെടുക്കുകയാണ് ഫൈനൽസ്.
നടി മുത്തുമണിയുടെ ഭർത്താവാണ് പി ആർ അരുൺ. ചിത്രത്തിൽ സുരാജ് വെഞ്ഞാറമ്മൂടാണ് മറ്റൊരു കഥാപാത്രത്തെ അവതരിപ്പിക്കുന്നത്. നിരഞ്ജ് ആണ് നായകൻ. മണിയൻ പിള്ള രാജുവും പ്രജീവും ചേർന്നാണ് ചിത്രം നിർമ്മിക്കുന്നത്.
'അനുരാഗ കരിക്കിൻ വെള്ളം' എന്ന ഒറ്റ ചിത്രത്തിലൂടെ തന്നെ സംസ്ഥാന സർക്കാരിൻ്റെ മികച്ച നടിക്കുള്ള പുരസ്കാരം സ്വന്തമാക്കിയ രജിഷ വിജയൻ വലിയ ഒരു ഇടവേളയ്ക്ക് ശേഷം തിരിച്ചെത്തിയത് 'ജൂൺ' എന്ന ചിത്രത്തിലൂടെയായിരുന്നു. മികച്ച പ്രേക്ഷക നിരൂപക പ്രശംസ നേടിയാണ് ചിത്രം തീയേറ്ററിൽ മുന്നേറുന്നത്. മലയാള സിനിമയിലെ മികച്ച സ്പോർട്സ് ചിത്രങ്ങളിൽ ഒന്നായി മാറാൻ തയ്യാറെടുക്കുകയാണ് ഫൈനൽസ്.