നഖക്ഷതങ്ങളിലെ ലക്ഷ്മി തിരിച്ചു വരുന്നു

ഒട്ടേറെ നല്ല കഥാപാത്രങ്ങൾക്ക് ജീവൻ നൽകി പെട്ടെന്നൊരു സുപ്രഭാതത്തിൽ സിനിമയോട് വിടപറഞ്ഞിറങ്ങുന്ന നായികമാർ മലയാളത്തിൽ ഒട്ടും കുറവല്ല. പലരും വിവാഹത്തോടെയാണ് സിനിമ വിട്ട് പോകാറുള്ളത്. പ്രേക്ഷകർ ഇന്നും ഓർത്തിരിക്കുന്ന നഖക്ഷതത്തിലെ ലക്ഷമി ഒരു നീണ്ട ഇടവേളയ്ക്ക് ശേഷം വീണ്ടും തിരിച്ച് സിനിമയിലെത്തുകയാണ്. നഖക്ഷതങ്ങളിലെ ലക്ഷ്മിയെയും ആരണ്യകത്തിലെ അമ്മിണിയെയും പ്രേക്ഷകർക്ക് അത്രപെട്ടെന്നോന്നും മറക്കാനാകില്ല. മഹാനായത്തിലെ മോളിക്കുട്ടിയായി എത്തി മലയാളത്തോട് വിടപറഞ്ഞ സലീമ മൂന്ന് പതിറ്റാണ്ടുകൾക്ക് ശേഷമാണ് വാർത്തകളിൽ തന്നെ ഇടം പിടിക്കുന്നത്.

മലയാളത്തിലുള്ള പഴയ സഹപ്രവര്‍ത്തകരെ വിളിച്ച് വീണ്ടും അഭിനയിക്കാന്‍ താല്പര്യമുണ്ടെന്ന് അറിയിച്ചതിനെ തുടർന്നാണ് സലീമയുടെ തിരിച്ചു വരവ്. കെ.കെ.ഹരിദാസ് സംവിധാനം ചെയ്യുന്ന ഞാവൽപ്പഴത്തിലൂടെയാണ് രണ്ടാം വരവിനൊരുങ്ങുന്നത്. പിറവത്തും പാഴൂർ പടിപ്പുരയിൽ വെച്ചാണ് ചിത്രത്തിന്‍റെ ഷൂട്ടിങ് പുരോഗമിക്കുന്നത്. ഒരു മുത്തശ്ശിയുടെ വേഷത്തിലാണ് സലീമ ചിത്രത്തിൽ എത്തുന്നത്. വാഹനാപകടത്തിൽപ്പെട്ട് അച്ഛനും അമ്മയും നഷ്ടപ്പെട്ട് മുത്തശ്ശിക്കൊപ്പം കഴിയുന്ന പെൺകുട്ടിയുടെ കഥയാണ് ഞാവൽപ്പഴം. വളരെ ശക്തമായ കഥാപാത്രത്തെയാണ് സലീമ ചിത്രത്തിൽ അവതരിപ്പിക്കുന്നത്.

ഒരു പുതുമുഖ നടിയാണ് പെൺകുട്ടിയുടെ വേഷത്തിലെത്തുന്നത്. പാഷാണം ഷാജി, ഹരീഷ് പേരാടി, സുധീർ കരമന എന്നിവരാണ് മറ്റ് വേഷങ്ങളിൽ എത്തുന്നത്. സ്വന്തം ഇഷ്ടപ്രകാരമാണ് സലീമ സിനിമയിലേക്ക് തിരിച്ചെത്തുന്നത്. വർഷങ്ങൾക്ക് ശേഷം സിനിമയിലേക്ക് തിരിച്ചെത്തുന്നതിൽ വലിയ സന്തോഷത്തിലാണ് സലീമ. മലയാളത്തിലൂടെ അത് സാധ്യമാക്കാൻ കഴിഞ്ഞതിൽ അതീവ സന്തോഷമുണ്ടെന്നും ഇനിയൊരു തിരിച്ച് പോക്കില്ലെന്നും സലീമ പറഞ്ഞു.

Actress Saleema is back to Malayalam Industry

After three decades Saleema is making a come back through K.K Haridas's movie Njavalppazham.