ബിജുവേട്ടന്റെ ചോദ്യം
നീയെന്തിനാണ് ഇത്ര രാവിലെ എഴുന്നേല്‍ക്കുന്നത്. നിനക്ക് വട്ടുണ്ടോ ചിന്നൂ, ഈ തലകുത്തി നിന്നിട്ട് നിനക്കെന്ത് സന്തോഷം കിട്ടാനാ എന്നാണ് ബിജുവേട്ടന്‍ ചോദിക്കാറുള്ളത്. ക്ലാസുള്ള ദിവസമൊക്കെയാണെങ്കില്‍ ഞാന്‍ നാല് മണിക്കൊക്കെ എഴുന്നേല്‍ക്കാറുണ്ട്. ഇടയ്ക്ക് ബ്രേക്ക് ചെയ്യാന്‍ വേണ്ടിയാണ് ഞാന്‍ ഡിസിപ്ലിന്‍ വെക്കുന്നത്. ബിജുവേട്ടന്‍ ലേറ്റായാണ് വരുന്നതും കഴിക്കുന്നതും. വളരെ റിലാക്‌സാഡായിട്ടുള്ള മോഡാണ് അദ്ദേഹത്തിന്റേത്.
പ്രണയത്തെക്കുറിച്ച്
മകന്‍ ഒരു പെണ്‍കുട്ടിയെ ഇഷ്ടമാണെന്ന് പറഞ്ഞാല്‍ സന്തോഷം. അതൊക്കെ അറിയണം, നാച്ചുറല്‍ ഫീലിംഗ്‌സല്ലേ, അമ്മയെന്ന നിലയില്‍ അവന്റെ മനസ് എനിക്ക് കാണാന്‍ പറ്റും. എന്തെങ്കിലും സങ്കടമോ ദേഷ്യമോ വന്നാല്‍ എനിക്ക് മനസിലാവും. അത് സിക്‌സ്ത്ത് സെന്‍സൊന്നുമല്ല. വീട്ടിലുള്ളവര്‍ക്ക് പ്രത്യേകിച്ച് അമ്മയ്ക്കും ഭാര്യയ്ക്കും അത് മനസിലാവുമല്ലോയെന്നായിരുന്നു സംയുക്ത ചോദിച്ചത്.
ഇഷ്ടമാണ്
ബിജുച്ചേട്ടന്‍ അഭിനയിച്ച സിനിമകളെല്ലാം എനിക്കിഷ്ടമാണ്. ചെയ്യുന്ന സിനിമകളിലെല്ലാം ബിജുച്ചേട്ടന്‍ നന്നായി അഭിനയിക്കാറുണ്ട്. അവാര്‍ഡ് വിവരം അറിഞ്ഞപ്പോള്‍ ഞങ്ങളങ്ങനെ ഓവറായി സന്തോഷിച്ചൊന്നുമില്ല. മതിമറന്ന് സന്തോഷിക്കാറില്ല. അങ്ങനെ ഓവര്‍ എക്‌സൈറ്റഡാവുന്നവരല്ല ഞങ്ങള്‍. ബിജുച്ചേട്ടന്റെ ക്രിട്ടിക്കാവാറുണ്ട് ഇടയ്ക്ക്. അതേക്കുറിച്ചൊക്കെ ഞാന്‍ പറയാറുണ്ട്. ബിജുവേട്ടന്‍ എവിടെയൊക്കെ ഉഴപ്പിയെന്ന് എനിക്ക് കൃത്യമായി മനസിലാവും. അത് വേറാരും അറിയുകയോ മനസിലാക്കുകയോ ചെയ്യാറില്ല.
പോവാറില്ല
പൊതുവെ ലൊക്കേഷനിലേക്ക് പോവാനിഷ്ടമില്ല. എനിക്കൊന്നും ചെയ്യാനില്ലാതെ ലൊക്കേഷനില്‍ പോയിരിക്കുന്നത് ഇഷ്ടമില്ല. അപ്പോള്‍ എനിക്ക് ബോറടിക്കും. ലൊക്കേഷനില്‍ ഞാനൊരിക്കലും വെറുതെയിരുന്നിട്ടില്ല. അതേപോലെ തന്നെയാണ് സ്‌റ്റേജ് ഷോയും. തെങ്കാശിപ്പട്ടണമാണ് ഞാന്‍ ഒരുപാട് ആസ്വദിച്ച് ചെയ്ത സിനിമ. നല്ല രസമുള്ള ലൊക്കേഷനായിരുന്നു. ഗീതുവും കാവ്യയുമൊക്കെയുണ്ടായിരുന്നു.